Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Президент Администрасијасынын иҹтимаи-сијаси шөбәсинин мүдири Әли Һәсәнов журналистләрә ачыгламасында билдириб: “АТӘТ-ин Астана саммитиндә Дағлыг Гарабағ мүнагишәсинин һәллинә даир ҹидди ҹәһдләр ҝөстәрилди. Фактики олараг бөјүк дөвләтләр мөвгеләрини ортаја гојдулар вә билдирдиләр ки, бу мүнагишәнин сүлһ јолу илә һәлли үчүн дөвләтләр бир-биринә ҝүзәштә ҝетмәлидирләр. Тәәссүф ки, биз буну ҝөрмәдик, Ермәнистан тәрәфи мүбаһисә мөвзусу олан мәсәләләри габардараг мәсәләнин һәллиндән јајынды”.
Ә. Һәсәнов билдириб ки, Азәрбајҹан саммитин протоколуна бир шәртлә имза атыб: “Бурада гејд олунур ки, бејнәлхалг бирлик мәсәләнин сүлһ јолу илә һәллиндә ролуну ҝүҹләндирәҹәк. Ермәнистан әҝәр буна ҝәлмәјәҹәксә, Азәрбајҹан өз торпагларыны азад етмәк һүгугуну өзүндә сахлајаҹаг”.
Диггәт: Хәбәрдән истифадә етдикдә мәнбәјә истинад лазымдыр
