Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Мүдафиә Назирлијинин мәтбуат хидмәтибилдириб ки, Брүсселдә Азәрбајҹан вә НАТО арасында 2011-ҹи ил үчүн Фәрди Тәрәфдашлыг Програмынын мүзакирәси үзрә експерт-гәрарҝаһ ҝөрүшү кечириләҹәк.
Ҝөрүш декабрын 6-да баш тутаҹаг. Ҝөрүшдә ФТП үзрә планлашдырылан тәдбирләр вә ҝөрүләҹәк ишләрә даир фикир мүбадиләсинин апарылмасы ҝөзләнилир.
Бундан башга, декабр ајында Азәрбајҹан Силаһлы Гүввәләринин нүмајәндәләри ФТП-јә әсәсән АБШ-ын Норфолк шәһәриндә Консепсијанын Һазырланмасы вә Експерименти (ҸДЕ) Конфрансына, декабрын 8 вә 9-да Брүсселдә ЕПРИМЕ системи үзрә курса, декабрын 13-дән 15-дәк Австријанын Вјана шәһәриндә НАТО вә Тәрәфдаш өлкәләрин Мүдафиә Академијаларынын вә Тәһлүкәсизлик Елмләри Институтларынын СНТ Консорсиумунун ишчи групунун ҝөрүшүнә, декабрын 14 вә 15-дә исә АБШ-ын Вирҝиниа Беаҹһ шәһәриндә Трансформасија рәһбәрләринин конфрансына гатылаҹаглар.
Азәрбајҹан-Алманија икитәрәфли әмәкдашлыг програмына әсасән Мүнһен шәһәриндә Һәрби Һава Гүввәләри мүтәхәссисләринин експерт ҝөрүшү, Азәрбајҹан-АБШ иш планына әсасән декабрын 6-дан 10-дәк Бакыда «Стратежи Мүдафиә Иҹмалынын апарылмасы вә јекун сәнәдин һазырланмасы просесинә дәстәк» мөвзусунда тренинг кечириләҹәк.
Мүдафиә Назирлији тәрәфиндән декабрын 14-дән 17-дәк Бакыда палитли јүкләмә системи әсасында дашынма әмәлијјатларынын планлашдырылмасы мөвзусунда семинарын вә декабрын 14-дә Азәрбајҹанда аккредитә олунмуш хариҹи дөвләтләрин һәрби атташелик апаратларынын әмәкдашлары илә топлантынын кечирилмәси планлашдырылыр.
Диггәт: Хәбәрдән истифадә етдикдә мәнбәјә истинад лазымдыр
