Әһли Бејт -АБНА- хәбәр аҝентлијинин вердији хәбәрә әсасән: АИП-нын тәшкилатчылығы илә "Медиа" мәркәзиндә дәјирми маса кечирилиб. Дәјирми масада бир чох партија вә иҹтимаи тәшкилат нүмајәндәләри иштирак едиб.
Тәдбири ҝириш сөзү илә ачан АИП-нын мәтбуат хидмәтинин рәһбәри Акиф Һејдәров, сон дөврдә Азәрбајҹан Республикасында Ислама гаршы тәзјигләрин артдығыны дејиб. Бундан әлавә АИП рәсмиси сон вахтлар өлкәдә ҝениш исламафобијанын баш галдырыдығыны билдириб. Азанын гадаған олунмасыны, мәсҹидләрин сөкүлмәсини, 13 февралда әзиз ислам пејғәмбәринин хатирәсини јад етмәк үчүн шәһидләр хијабаныны зијарәт едән диндарларын һаггсыз јерә тутулмасыны вә бу јахынларда тәһсил назирлији тәрәфиндән орта мәктәбләрдә һиҹабын гадаған олунмасыны әјаны сүбут кими ҝөстәрән Акиф Һејдәров, бу ҹүр ислами басгыларын иҹтимаијјәтин ҝениш наразылығына сәбәб олдуғуну гејд едиб.
Бундан сонра мәсәләјә мүнасибәт билдирән АИП сәдри Һаҹы Мөвсүм Сәмәдов, бүтүн дүнјада ислам үммәтинә гаршы бөјүк бир мүбаризәнин апарылдығыны билдириб. Сон 10 илдә Әфганыстанда, Ирагда вә Фәләстиндә баш верән мүһарибәләрин бу мүбаризәнин бир һиссәси олдуғуну билдирән АИП сәдри, бу ҹүр мүбаризәнин сон вахтларда Азәрбајҹанда да ҝениш вүсәт алдығыны гејд едиб. Мүбаризәнин бир нечә истигамәтли олдуғуну билдирән Мөвсүм Сәмәдов, Азәрбајҹанда башверән бу ҹүр мүбаризәләрин, вәтәндаш һүгуларынын позулмасы, дини вә виҹдан азадлыгларынын тапдаланмасы илә бирҝә мүшаһидә олундуғуну сөјләјиб.
Сон ҝүнләрдә Тәһсил Назири Мисир Мәрданов тәрәфиндән һиҹабын гадаған олунмасыны тәәссүф һисси илә гејд едән АИП сәдри, бу ҹүр гадағаларын илаһи һөкмләрә, өлкә вә бејнәлхалг һүгуга зидд олдуғуну билдириб.
Бу ҹүр јасагларын иҹтимаијјәт тәрәфиндән нифрәтлә гаршыландығыны дејән Һаҹы Мөвсүм Сәмәдов, бүтүн иҹтимаи тәшкилатлары вә иҹтимаијјәти бу мәсәләјә мүнасибәт билдирмәјә чағырыб.
Сонра Азәрбајҹан Зијалылар бирлијинин сәдри Елдәниз Гулијев өлкәдә баш верән исламафобијанын нијә баш вердијинин арашдырылмасынын зәрури олдуғуну билдириб. Бундан әлавә Елдәниз Гулијев һакимијјәт тәрәфиндән,өлкә сәвијјәсиндә диндарлара гаршы нифрәт һиссинин мәгсәдли формада јарадылдығыны билдириб. 13 февралда тутулан диндарлара гаршы әдаләтсиз гәрарын верилмәсини сүбут кими ҝөстәрән тәшкилат сәдри, сон ҝүнләрдә тәһсил назирлији тәрәфиндән верилән һиҹаб гадағасыны өлкәдә баш верән исламафобијанын тәркиб һиссәси одуғуну билдириб. Елдәниз Гулијев бу ҹүр исламифобијанын халг вә дин дүшмәнләри тәрәфиндән һазырланмыш бир сијасәт олдуғуну дејиб.
Бундан әлавә Елдәниз Гулијев Азәрбајҹан мәмурларынын вә телевизорларынын хариҹи гүввәләр тәрәфиндән идарә олундуғуну сөјләјиб.
Сонра мәсәләјә мүнасибәт билдирән Фәзиләт партијасынын сәдри Һаҹы Ҝүндүз Һаҹыјев, һиҹаб гадағасы һаггында верилән гануну илаһи һөкмләрә гаршы бөјүк бир һәгарәт олдуғуну дејиб. Инсанларын мүәјјән һүгуглары малик олдуғуну вә бу һүгуг мүгабилиндә һеч бир мәсулијјәт дашымадығыны дејән Ҝүндүз Һаҹыјев, ислами вәзифәләрин бу һүгуглардан фәрг етдијини дејиб. Ҹәмијјәтдә һиҹаб гадағасы илә инсанлары илаһи дәјәрләрдән ајырмаг истәнилдијини дејән партија сәдри, бу ҹүр гануни гадағалар ислам дүшмәнләринин сифариши илә һазырландығыны билдириб. Бундан сонра мәсәлә илә әлагәдар, илаһијјатчылар, тәшкилат нүмајәндәләри вә һиҹаблы шаҝирдләрин валидејнләри өз етиразларыны билдирдиләр.
Сонда дәјирми маса иштиракчылары бәјанат гәбул етдиләр.
Диггәт: Хәбәрдән истифадә етдикдә мәнбәјә истинад лазымдыр
