Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Бакы Апеллјасија Мәһкәмәсиндә тарихи әсәр гачагмалчылығында тәгсирләндирилән Бөјүк Британија ширкәтинин Азәрбајҹандакы тәмсилчиси Хаит Михаил Борисовичин апеллјасија шикајәти үзрә илкин мәһкәмә бахышы кечирилиб. Просесдә мәһкәмә бахышы нојабрын 22-нә тәјин олунуб.
Хатырладаг ки, Ағыр Ҹинајәтләрә Даир Ишләр үзрә Мәһкәмәнин һөкмү илә тәгсирләндирилән шәхс 7 ил мүддәтинә азадлыгдан мәһрум едилиб.
Иттиһама ҝөрә, М.Хаит Бакыдан Москваја ҝетмәк истәјәркән Һејдәр Әлијев Бејнәлхалг Аеропортунда Милли Тәһлүкәсизлик Назирлијинин вә Дөвләт Ҝөмрүк Комитәсинин (ДҜК) әмәкдашлары тәрәфиндән сахланылыб. Сахланылан заман онун үзәриндән гијмәтли тарихи әшјалар вә сувенирләр ашкар олунараг ҝөтүрүлүб. Истинтаг заманы мүәјјән олунуб ки, М.Хаит Бөјүк Британијанын “Елеҹтрик Сһиппинҝ Лимитед” ширкәтинин Азәрбајҹандакы нүмајәндәлији олан “Електрик Сһиппинҝ Азәрбајҹан” ММҸ-нин тәмсилчисидир. О, стратежи әһәмијјәтли хаммалын, мәдәни, тарихи вә ја археоложи сәрвәт олан әшјаларын Азәрбајҹанын сәрһәдиндән ҝөмрүк нәзарәтиндән ҝизли кечирилмәсиндә вә гачагмалчылыгда иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
