Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынин хариҹи Ишләр Назирлијинин сөзчүсү Рамин Меһманпәрәст билдириб ки, бу идејанын шүбһәли мәгсәдләри бөлҝә өлкәләри вә мүсәлман дүнјасында нараһатлыг доғурур: “Биз бөлҝә өлкәләри үчүн тәһлүкә төрәтмирик вә Исраил истисна олмагла, бу реҝионун һеч бир өлкәси бизә тәһлүкә јаратмыр. Гәрбин бу аддымларынын әсас мәгсәди Исраили дәстәкләмәк вә бөлҝә өлкәләринә гаршы ҹинајәтләрә, тәҹавүзкарлыға давам етмәси үчүн ону мүдафиә етмәкдир. Биз үмид едирик ки, бөлҝә өлкәләри бу аддымлара имкан вермәјәҹәк. Реҝион дөвләтләри бирҝә сәјләрлә өз тәһлүкәсизликләрини тәмин етмәк вә истәнилән тәһлүкәни дәф етмәк үчүн кифајәт гәдәр ҝүҹ вә имканлара маликдир”.
Диггәт: Хәбәрдән истифадә етдикдә мәнбәјә истинад лазымдыр
