Әһли Бејт -АБНА- хәбәр аҝентлијинин вердији хәбәрә әсасән: II Шәһидләр Хијабанында кечирилән мәрасимдә Мүдафиә Назирлијинин Һәрби Оркестринин ифасында Азәрбајҹанын дөвләт һимни сәсләндирилиб. Јајлым атәши ачылыб.
Мәрасимдә мүдафиә назири Сәфәр Әбијев, милли тәһлүкәсизлик назири Елдар Маһмудов, һәрбчиләр, иҹтимаијјәт нүмајәндәләр, күтләви халг вә диндар вәтәндашлар иштирак едибләр.
Гејд едәк ки, дәфн мәрасиминдән әввәл шәһид һәрбчиләримизлә Мүдафиә Назирлијинин Тәлим Тәдрис Мәркәзиндә вида мәрасими кечирилиб. Мәрасимдә Азәрбајҹан президенти, Силаһлы Гүввәләрин Али Баш Команданы Илһам Әлијев дә иштирак едиб.
Дәфн мәрасиминә Мүдафиә Назирлијинин рәһбәрлији, һәрбчиләр, иҹтимаијјәт нүмајәндәләри, хејли сајда вәтәндаш гатылыб. Дини ајинимизә ҝөрә, шәһидләр үчүн Гуран вә мәрсијәләр охунараг хејли мигдарда салаватлар,тәкбирләр вә дини шуарлар верилиб.
Хатырладаг ки, ҝизир Мүбариз Ибраһимов бу ил ијунун 18-дә, забит Фәрид Әһмәдов исә сентјабрын 4-дә ҹәбһәнин Тәртәр истигамәтиндә дүшмәнин һүҹумуну дәф едәркән гәһрәманҹасына шәһид олублар. Президент Илһам Әлијевин сәрәнҹамы илә М. Ибраһимова Азәрбајҹанын Милли Гәһрәманы ады верилиб.
Диггәт: Хәбәрдән истифадә етдикдә мәнбәјә истинад лазымдыр
