ФАКТХЕБЕР-ин врдији хәбәрә әсасән : Шәрур рајон Муғанлы кәнд сакини, Бакы Ислам Университетинин мәзуну, Иран Ислам Республикасынын Гум шәһәриндә дини тәһсил алмыш, ахунд Иманаов Камил Тејмур оғлунун һүгуг мүһафизә органлары тәрәфиндән сәрбәст һәрәкәт етмәсинә гојулан мәһдудијјәт һәләдә давам едир
РАТИ-нин Нахчывандакы мүхбирләринә Камил Иманов бу барәдә белә дејиб.
“Бир нечә илдир ки, Иранда вә Түркијәдә јашајан гоһумларымын јанына, һабелә зијарәтҝаһлара ҝедә билмирәм. Дөвләт сәрһәд хидмәтинин әмәкдашлары мәни сахлајараг ҝери гајтарыр. Мәним хариҹи өлкәләрә ҝетмәјимә гадаға гојулдуғу билдирилирләр. Паспортуму компјутердә јохлајаркән гырмызы һәрфләрлә “стоп” ишарәси дүшүр. Гадағанын исә һансы сәбәбдән вә һансы дөвләт гуруму тәрәфиндән гојулдуғу ачыгланмыр ”.
Онун сөзләринә ҝөрә, проблемлә бағлы дәфәләрлә Азәрбајҹан Республикасынын президентинә, Азәрбајҹан Республикасынын Али Мәҹлисинә, Азәрбајҹанын Омбудсманы Елмира Сүлејмановаја вә Нахчыван Мухтар Республикасы Али Мәҹлисинин сәдри Васиф Талыбова мүраҹиәт етсә дә һеч бир нәтиҹәси олмајыб.
Ахунд әлавә олараг гејд едиб ки, бу илин әввәлиндә мүстәгил журналист вә һүгуг мүдафиәчиләри она гаршы олан тәзјигләри иҹтимаиләшдирдикдән сонра, Мухтар Республикада һүгуг мүһафизә органларынын тәзјигләри дајандырылса да, хариҹә чыхышына мәһдудијјәт гојулмасы давам едир. Сентјабрын 20-дә о јенидән Мухтар Республика Али Мәҹлисдә олуб вә ону һүгугшүнас гәбул едәрәк мәһкәмәјә мүраҹиәт етмәсини мәсләһәт ҝөрүб.
Мухтар Республика Дөвләт Сәрһәд Хидмәтиндән Камил Имановун хариҹи өлкәләрә чыхышына гадаға гојулмасы тәсдигләнсә дә, мүхбирләримизә бунун һансы сәбәбдән вә һансы дөвләт гуруму тәрәфиндән едилдијини ачыгланмајыб .
Хатырладаг ки, Камил Иманов Иранын Гум шәһәриндә тәһсил алыб гајытдыгдан сонра һүгуг мүһафизә органлары тәрәфиндән инҹидилир. Онун дини етигад ҝөстәрмәсинин гаршысы алыныб, әтрафында олан диндарлара тәзјиг едилиб. Ондан дини ҝејим ҝејмәмәк тәләб олунуб. Вахташыры мүхтәлиф бәһанәләрлә МТН-нин Шәрур рајон шөбәсинә чағырылараг изаһаты алыныб, кимләрә ишләмәси вә нә мәгсәдлә Гум шәһәриндә охумасы һагда сорғу-суал едилиб. Бир нечә дәфә гысса мүддәтә һәбс олунараг мүвәггәти сахлама тәҹридханасында сахланылыб. јашадығы кәнддә баш верән һәр бир һадисәјә ҝөрә ону ҝүнаһкар һесаб едибләр. Һәтта мал-гара, тојуг –ҹүҹә оғурлуғу оланда белә бу һадисәни онунла бағламаға чалышырлар. Бунларын һамысына сәбәб онун Гум шәһәриндә тәһсил алмасы олуб. О мәрһум президент Һејдәр Әлијевин Нахчыван Али Мәҹлисинин сәдри олдуғу дөврдә илк дәфә Нахчывандан Иран Ислам Республикасынын Гум шәһәриндә тәһсил алмаг үчүн ҝөндәрдији 55 нәфәрдән биридир.
