Әһл Бејт-АБНА-диҝәр хәбәр аҝентлијләринә әсасән хәбәр верир ки “Дағлыг Гарабағ проблеми кими мүрәккәб мәсәләләрин һәллиндә јалныз бир тәрәф мәсулијјәт дашыја билмәз. Бу проблемин тәрәфләри олан өлкәләрин һөкумәтләри дә тәк башына бир һәллә наил ола билмәјәҹәкләр. Проблем ики тәрәф үчүн дә мәгбул олан анлашма јолу илә һәлл олунмалыдыр”.
Бу ҝүн Истанбулда кечирдији мәтбуат конфрансында Русијанын баш назири Владимир Путин Гарабағ мүнагишәсинин һәллиндә өлкәсинин ролу илә бағлы суалы ҹавабландыраркән белә дејиб.
Путин гејд едиб ки, Азәрбајҹан вә Ермәнистан үчүн дә мәгбул бир һәлл јолу тапылдыгдан сонра диҝәр өлкәләр бу анлашманын тәтбигинә тәминат верә биләрләр: “Русија бу проблемин һәллинә дәстәк вермәјә һазырдыр. Анҹаг һансыса бир тәрәфә тәзјиг етмәк истәмирик. Бир анлашма әлдә едиләрсә, она дәстәк верәҹәјик”.
