Әһл Бејт-АБНА-диҝәр хәбәр аҝентлијләринә әсасән хәбәр верир ки Чин һәмишә олдуғу кими 5+1 арасында әдаләтли ҝөрүнмәкдәдир. Пекин Ирана јени санксијаларын тәтбигинә гаршы чыхыб. Пајтахтда кечирилән мәтбуат конфрансында чыхыш едән Чин Хариҹи Ишләр Назирлијинин сөзчүсү Ирана гаршы јени санксијаларын тәтбигинә гаршы чыхдыгларыны вә проблемин диалог јолу илә һәллинин мүмкүн олдуғуну сөјләјиб. Чинин һәр заман проблемин диалог вә данышыглар јолу илә һәллинә дәстәк вердијини дејән сөзчү Иран рәһбәрлијини дә Бејнәлхалг Атом Енержиси Тәшкилаты илә әмәкдашлыға дәвәт едиб. Гејд едәк ки, јахын ҝүнләрдә Ирана санксијаларын тәтбигини нәзәрдә тутан гәтнамә лајиһәсинин БМТ Тәһлүкәсизлик Шурасында сәсвермәјә чыхарылмасы ҝөзләнилир. Лајиһәнин гәбул едилмәси үчүн Тәһлүкәсзилик Шурасынын даими үзвләри Чин, АБШ, Русија, Франса вә Инҝилтәрә тәрәфиндән вето едилмәмәси вә ән азы Тәһлүкәсизлик Шурасынын 9 үзвүнүн сәсини алмасы лазымдыр.
