Әһл Бејт-АБНА-хәбәр аҝентлији пресс аҝентлијләринин вердикләри хәбәрә әсасән Ијун ајынын 5-дән 6-на кечән ҝеҹә саат 00:20 АНС телеканалынын ефириндә "ШӘНБӘ ҜЕҸӘСИ СЕВИЛ НУРИЈЕВА ИЛӘ" адлы верлишин нөвбәти бурахылышы ефирә ҝетмәјиб. Бурахылыш мајын 31-дә Исраил ордусунун инсани јардым дашыјан алты ҝәмијә силаһлы һүҹумуна һәср едилибмиш. Верилишин анонсу телеканалда бир нечә дәфә ҝетсә дә, ҝөстәрилән вахт ефирә чыхмајыб.
Верилишин һансы сәбәбдән ефирә чыхмамасы барәдә изаһат верилмәјиб. Верлишә експерт гисминдә ДЕВАММ сәдри Һаҹы Илгар Ибраһимоғлу, танынмыш политолог Расим Мусабәјов, “Зеркало” гәзетинин сијаси иҹмалчысы Рауф Миргәдиров гатылыблар вә онлар бејнәлхалг суларда баш вермиш ҹинајәт барәдә фикирләрини бөлүшүб, полемика апарыблар.
Әлдә етдијимиз мәлумата ҝөрә, политологларын сөһбәтинә Түркијәдән Инсаны Јардым Вакфынын рәһбәри Бүләнт Јылдырым да гатылыб. Басгын заманы ҝәмиләрдән бириндә олан Б.Јылдырым АНС-ин студијасында оланларла өз фикирләрини бөлүшдүрүб.
Һазырланмыш верилишин ефирә ҝетмәмәсинин сәбәби кими Исраил сәфирлијинин телеканал рәһбәрлијинә тәзјиг ҝөстәрдији ҝүман олунур.
