Матрос Гараоғлан Гулијев:“Тәшвиш ичиндә идик, Бакыја дөнәнәдәк һәбсхана режиминдә олмушам",дејир вә Түркијәјә гајытмаға һазырлашыр... Хәбәр верилдији кими, Түркијәнин Инсани Јардым Вәгфи тәрәфиндән “Азадлыг донанмасы”нда олан вә Исраил һәрбчиләри тәрәфиндән сахлананлар арасында ики азәрбајҹанлы да вар иди. Онлар Бејләган рајон сакини, 1983-ҹу ил тәвәллүдлү Мәһәррәм Оруҹов вә Ҹәбрајыл сакини, 1969-ҹу ил тәвәллүдлү Гараоғлан Гулијевдир. Сојдашларымыз Гәзза бөлҝәсинә һуманитар јардым апаран вә јунан бајрағы алтында үзән “Дәфинә” ҝәмисиндә капитан көмәкчиси вә матрос ишләјибләр. Бу ики вәтәндашымыз да Исраил тәрәфиндән һәјата кечирилән мәлум гәтлиам заманы ҝиров ҝөтүрүлмүшдүләр. Сонрадан онлар да азад едилдиләр.
Бу ҝүн сојдашларымызы вәтәнә ҝәтирән вә Тәл-Әвив-Бакы рејси илә учан тәјјарәнин саат 17:40 радәләриндә Бинә һава лиманына енәҹәји ҝөзләнилирди. Тәјјарә азаҹыг фәрглә дејилән вахтда да ҝәлди.
Г. Гулијеви вә М.Оруҹову ҝәтирән тәјјарә саат 18:20-дә Бакы Һава Лиманында јерә енди. Јахынлары тәрәфиндән севинҹлә гаршыланан М.Оруҹов Бејләган рајонуна јола салынды. Гараоғлан исә мәскунлашдығы 7 сајлы бағчаја ҝәтирилди. Бурда ону доғмалары ҝөзләјирди.
Г.Гулијеви гаршылајан јахынларынын, хүсусилә дә анасы вә өвладларынын севинҹинин һәдди-һүдуду јох иди. Бурадаҹа сојдашымызын ајаглары алтында Исраил ҝировлуғундан гајытмасы шәрәфинә гурбан кәсилир. Аз сонра Гараоғланла бағчанын һәјәтиндә ҝөрүшүб сөһбәтләширик.
Башына ҝәләнләр барәдә данышан сојдашымыз мајын 31-дә ҝиров ҝөтүрүлдүкләрини дејир: “Мән Гәззаја һуманитар јардым апаран донанманын тәркибиндәки “Дәфинә” ҝәмисиндә
матрос, Мәһәррәм исә ҝәми капитанынын көмәкчиси ишләјирди. Һадисә мајын 31-и, саат 4 радәләриндә баш верди. Исраил һәрбичиләри ҝөзләнилмәдән Түркијәнин “Мави Мәрмәрә” ҝәмисинә басгын етди. Һәрби вертолјотлар һавадан ҝәмијә дајанмадан атәш аҹырдылар. Һавадан ҝәмијә десант атдылар. Өлән, јаралананлар да елә бу ҝәмидә олду. Сонра диҝәр ҝәмиләри әлә кечирмәјә башладылар. Бизим ҝәмијә десант чыхартдылар. Тәшвиш вә һәјәҹан ичиндә идик...
