Азәрбајҹан Республикасында бир сыра иҹтимаи, сијаси тәшкилатлар өлкәдә Исламафобија мөвзусунда дәјирми маса кечириб. Дәјирми маса "Риа Новости"нин конфранс залында Азәрбајҹан Ислам Партијасынын тәшкилатчылығы илә кечирилиб. Пресс 7 хәбәр верир ки, дәјирми масада Азәрбајҹанда Ислам дининә гаршы олан тәзјигләр әсас мөвзу олуб. Тәдбирин ачылышыны Азәрбајҹан Ислам Партијасы Мәтбуат хидмәтинин рәһбәри Акиф Һејдәрли едәрәк, өлкәдәки Исламафобија һаггында фактлары садалајыб. "Зијалылар Бирлији"нин сәдри Елдәниз Гулијев дејиб ки, "Хариҹдәки бәзи гүввәләрин Азәрбајҹандаки бәзи әлалтылары дөвләтлә диндарлар арасында, һәмчинин Азәрбајҹанла гоншу дөвләтләр арасында ихтилаф вә мүнагишә јаратмагда мараглыдырлар". Даһа сонра Азәрпајҹан Ислам Партијасынын сәдри һаҹы Мөвсүм Сәмәдов "игтидарын диндарлара гаршы сәрт мөвгеји тәкҹә диндарларла һакимијјәти үз-үзә гојмур, һәмчинин Азәрбајҹанын дөвләтчилијини, ҝәләҹәјини, агибәтини һәдәләдијир" дејиб. "Гәләм" нәшријјатынын рәһбәри Һаҹы Јусиф Бағыров да чыхыш едәнләрлә һәмфикир олдуғуну өнә чәкәрәк дејиб: "Әҝәр тарихә нәзәр салсаг Аллаһла вә онун јер үзүндәки нишанәләри илә апарылмыш бир чох мүһарибәләри ҝөрәрик. Амма бу мүбаризәләрин һәмишә бир галиби олуб. О да Аллаһдыр.
