Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын хариҹи ишләр назири Сејид Аббас Әрагчи Иран вә АБШ арасында данышыгларын үчүнҹү раунду илә бағлы месаж јајыб вә Оманын давамлы вә еффектив васитәчилијинә ҝөрә тәшәккүр едиб.
ИРНА-нын јајдығы мәлумата ҝөрә, Иранын хариҹи ишләр назири “Х” сосиал шәбәкәсиндә јазыб: АБШ илә дипломатик гаршылыглы фәалијјәтимиздә даһа чох ирәлиләјиш әлдә олунуб.
Әрагчи әлавә едиб: Бу данышыглар раунду индијәдәк ән интенсив мәрһәлә иди. Бу мүзакирәләр һәр һансы разылашма үчүн әсас мөвзулар, о ҹүмләдән санксијаларын ләғви вә нүвә саһәси илә бағлы аддымлар барәдә даһа деталлы вә дәгиг мәсләһәтләшмәләрин давам етдирилмәси илә бағлы гаршылыглы анлашма илә баша чатды.
Иранын хариҹи ишләр назири әлавә едиб: Сијаси просеслә паралел олараг, техники груплар јахын ҝүнләрдә Вјанада бир араја ҝәләҹәкләр. Онларын миссијасы бизим миссијамыз гәдәр һәјати вә өнәмлидир.
Әрагчи сонда билдириб: Оманын давамлы вә еффектив васитәчилијинә ҝөрә тәшәккүр едирик вә данышыгларын нөвбәти раундуна ев саһиблији етдијинә ҝөрә Исвечрәјә миннәтдарлығымызы билдиририк.
Sizin rəyiniz