Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын ЕТТЕЛААТ -Тәһлүкәсизлик Назирлији ҹасуслуг вә тәхрибат ишләри үчүн истифадә олунан електрон ҹиһазлара аид күлли мигдарда јүк кәшф едәрәк зәбт едиб.
ЕТТЕЛААТ-ын бу барәдә вердији бәјанатында билдирилир: “Гејд олунан електрон ҹиһазлар Иранын гоншу өлкәләринин бириндән өлкәјә ганунсуз јолларла дахил едилиб. Һәдәф, ҹиһазларын иғтишачлар олан әјаләтләрдә, террорчулар арасында пајланылмасы олуб.”
Кәшф олунан јүк сырасында 100 әдәд узаг мәсафәдән електрондалғалары гәбул едән ҹиһазлар, 50 әдәд БТС далғалары ҝүҹләндирән ҹиһазлар, 743 әдәд 5Ҝ модем апараты, 799 әдәд јени нәсил мобил телефон апаратлары олуб.
Хариҹи өлкә террорчулары вә муздурлары гејд олунан мүасир електрон ҹиһазлары әлә ҝәтирдикләри тәгдирдә, онлары гурашдырараг бир-бири илә әлагәләндирдикдә мүстәгил формада мобил телефон стансијасы тәшкил едәрәк, шәһәр вә рајонларда, дағларда, сәһраларда вә истәнилән јердә ҹасуслуг вә террор әмәлијјатларыны һәјата кечиртмәк үчүн телефон хәттинә вә интернетә чыхыш тапа биләҹәкдирләр.
Sizin rəyiniz