Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Фашист сионист режимин ибридилли гәзети дахили ихтилафларын шиддәтләнмәси нәтиҹәсиндә Нетанјаһунун коалисија һөкумәтинин дағылмасы еһтималына ишарә едиб.
Фашист Нетанјаһу һөкумәтинин сионист режимин позулмуш рејтингинин јахшылашдырылмасы мәгсәдилә, өзү дә дүнја иҹтимаијјәтинин ҝүҹлү тәзјиги алтында һуманитар јардымларын Гәззә золағына ҹүзи ҝириши үзрә иҹазәнин верилмәсинә даир гәрары Нетанјаһунун коалисија ортагларынын, јәни бу режимин дахили тәһлүкәсизлик назири Итамар Бен-Гвир вә малијјә назири Бетсалел Смотричин һиддәтләнмәләринә сәбәб олуб.
Смотрич билдириб ки, онун партијасы назирләр кабинетинин ҝәләҹәјинин арашдырылмасы үчүн тәҹили сијаси мәшвәрәтләр кечирәҹәк. О, Нетанјаһунун фәалијјәти илә бағлы етимад бөһранынын мөвҹуд олмасына ишарә едиб.
Бен-Гвирин үзвү олдуғу партија да Нетанјаһунун коалисијасында иштиракын давам етмәси барәдә мәшвәрәтләр апараҹаг.
Сионист режимин Мәарив гәзетинин јаздығына ҝөрә, сағчы ҹәбһәнин дағылмасынын нишанәләри ашкар сурәтдә өзүнү ҝөстәрир.
Сионист режимдә һаким коалисијада парчаланма јени бир шеј олмаса да, Бен-Гвир вә Смотричин үзвләри олдуглары партијалардан һәр биринин чыхмасы, коалисија әксәријјәтинин әлдә олунмамасына ҝөрә, Нетанјаһу һөкумәтинин чөкмәсинә ҝәтириб чыхара биләр, зира бундан өнҹә “Јаһадут һа-Тора” партијасы да Нетанјаһу коалисијасындан чыхмышды.
Sizin rəyiniz