Әһли-Бейт (әлейһимус сәлам) – Бейнәлхалг Хәбәр Аҝентлийи- АБНА: Чин АБШ-ын “Гызыл Гүббә” ракетдән мүдафиә системини йерләшдирмәк планына реаксийа вериб.
Чин Мүдафиә Назирлийинин сөзчүсү Чан Сйаоганг АБШ-ын “Гызыл Гүббә” адлы ракетдән мүдафиә системи йаратмагла бағлы йени планыны сәрт тәнгид едәрәк, Вашингтону космосда силаһланма йарышыны ҝүҹләндирмәкдә иттиһам едиб.
Чин Мүдафиә Назирлийинин сөзчүсүнә ҝөрә, АБШ-ын бу һәрәкәтләри Космос Мүгавиләсини позур вә глобал тәһлүкәсизлийә тәһлүкә йарадыр.
Чин Мүдафиә Назирлийинин сөзчүсү вурғулайыб ки, АБШ-ын бу аддымлары силаһлара нәзарәт саһәсиндә бейнәлхалг сәйләри позур вә Пандора гутусунун йенидән ачылмасы рискини дашыйыр.
О билдириб: “Бу, бир даһа сүбут едир ки, һеч бир өлкә космосун һәрбиләшдирилмәсиндә вә дөйүш мейданына чеврилмәсиндә АБШ гәдәр ҹан атмайыб. Чин АБШ-ы космосда һәрби инкишафы дайандырмаға вә глобал сабитлик үчүн конкрет аддымлар атмаға чағырыр.”
Чин Мүдафиә Назирлийинин сөзчүсү вурғулайыб:
“Бу ҹүр һәрәкәтләр космосда силаһланма йарышынын йени мәрһәләсинә башлайа биләр вә бейнәлхалг сабитлик вә тәһлүкәсизлик үчүн нараһатедиҹи нәтиҹәләрә сәбәб олаҹагдыр.”
Sizin rəyiniz