АБНА24 Хәбәр Верир, Доналд Трамп бу барәдә өзүнүн сосиал шәбәкәдәки һесабында јазыб. АБШ рәһбәри Бирләшмиш Штатларда өтән ајын әввәлләриндә кечирилмиш сәсвермәләри үчүнҹү дүнја өлкәләриндә лидерләрин сечилмәси проседуру илә мүгајисә едиб. "Әфганыстанда хидмәт етмиш ҝәнҹ һәрбчи мәнә данышды ки, һәмин өлкәдә сечкиләр 2020-ҹи илдә АБШ-да кечирилмиш сечкиләрдән даһа тәһлүкәсиздир вә даһа јахшыдыр. Бизим сечкиләр почт илә ҝөндәрилмиш милјонларла вә милјонларла бүллетенли сечки иди, үчүнҹү дүнја өлкәләри кими иди. Фејк президент!" – Трамп твиттердәки һесабында јазыб. АБШ-да президент сечкиләри нојабрын 3-дә кечирилиб. Мәлумата ҝөрә, сечкиләрдә кечмиш витсе-президент Ҹо Бајден гәләбә газаныб, амма һазыркы президент Доналд Трамп мәғлубијјәтини етираф етмир. Сечкиләрин галиби рәсмән јанварын 6-да Конгрес тәрәфиндән елан едиләҹәк. АБШ-ын јени президентинин инаугурасијасы јанварын 20-да кечириләҹәк.
342/
