АБНА24 Хәбәр Верир, Түркијәнин хариҹи ишләр назири Мөвлуд Чавушоғлу Түркијәјә мәхсус “Роселине А” тиҹарәт ҝәмисиндә “Ырини” әмәлијјаты чәрчивәсиндә ахтарыш апарылмасы илә әлагәдар журналистләрин суалларыны ҹавабландыраркән белә дејиб. Назир билдириб ки, БМТ Тәһлүкәсизлик Шурасынын мүвафиг гәрары да бу бахымдан Түркијәнин леһинәдир. М.Чавушоғлу БМТ, НАТО вә Бејнәлхалг Дәнизчилик Тәшкилаты илә бу мөвзуда данышыглар апарылдығыны, дүнән Авропа Иттифагы, Алманија вә Италијанын Анкарадакы сәфирлији васитәсилә Түркијәнин нота вердијини хатырладараг билдириб ки, Түркијә Президенти Рәҹәб Тајјиб Әрдоған бу мәсәләни нәзарәтдә сахламаг үчүн хүсуси тәлимат вериб: “Тиҹарәт ҝәмисинә рәсми иҹазә олмадан мүдахилә етмәк дәниз гулдурлуғудур, бејнәлхалг һүгуга зиддир. Биз бу мәсәләни сонуна гәдәр тәгиб едәҹәјик”. Гејд едәк ки, нојабрын 22-дә Аралыг дәнизи васитәсилә Ливијаја әрзаг, боја вә бу кими мәһсуллар апаран Түркијәјә мәхсус тиҹарәт ҝәмисиндә капитаны јунан олан Алманијаја мәхсус “Һамбурҝ” ҝәмисинин һәрби һејәти ахтарыш апарыб. Авропа Иттифагы Дәниз Гүввәләри БМТ-нин Ливијаја тәтбиг етдији силаһ мәһдудијјәтләри чәрчивәсиндә 31 март 2020-ҹи илдән Аралыг дәнизиндә “Ырини” (јунанҹа барыш) һәрәкатына башлајыб. Лакин мәркәзи офиси Ромада јерләшән “Ырини” һәрәкаты бејнәлхалг, һүгугун бәзи тәләбләринә ҝөрә, гәрәзли вә ганунсуз һесаб едилир.
342/
