АБНА24 Хәбәр Верир, Иранын Һөрмүзган вилајәтинин низам-интизам гүввәләринин команданы бригада ҝенералы Гуламрза Ҹәфәри дејиб: "Иранын низам-интизам гүввәләри кәшфијјат мониторинги илә наркотик маддәләрин гачагмалчылығы илә мәшғул дәстә үзвләринин һәрәкәтләрини изләјиб вә гачагмалчыларын наркотик маддәләри газ танкериндә јерләшдирәрәк, көчүрмәк нијјәтиндә олдугларыны өјрәнибләр. Бригада ҝенералы Ҹәфәри әлавә едиб: "Низам-интизам гүввәләри Хәмир-Бәндәр Линҝә јолунда ахтарыш-әмәлијјат тәдбирләри һәјата кечирәркән, наркотик маддәләр јүклү бир танкери мүәјјән едиб вә она бахыш кечирәркән, бир тон 719 килограм тирјәк ашкар едиб вә бир гачагмалчыны сахлајыблар. Иран Ислам Республикасы санксијалара рәғмән, сон бир илдә 950 тондан чох наркотик маддә ашкар вә мүсадирә едәрәк, дүнјада наркотик васитәләрин кәшфијјаты үзрә лидердир.
342/
