Әһли Бејт - АБНА – Хәбәр Аҝентлијинин вердији хәбәрә әсасән, Бу ҝүн Мөвсүм Сәмәдовун ад ҝүнүдүр. Бу мүнасибәтлә Азәрбајҹан Ислам Партијасы лидеринин гызы Зәһра Сәмәдова атасына ачыг мәктуб јазыб.
Зәһра Сәмәдова тәрәфиндән Исламазери.аз-а тәгдим едилән мәктубу олдуғу кими тәгдим едирик:
“Бағышлајан вә Меһрибан Аллаһын адыјла
Салам Атаҹан. Үмүд едирәм ки, аҹлыг кечирдијин бу ҝүнләрдә һалыныз јахшы олсун вә башлатдығыныз мүбаризә Аллаһын көмәји илә тәсирли олсун, милләтимиз вә халгымызы дүшүндүрсүн...
Сизин ишләриниз бизә үмүд бәхш едәрәк, мәгсәдимизи хатырладыр. Пуч вә зилләтли бир һәјатдан узаглашдыран мәгсәдләри...
Һәзрәт Имам Һүсејнин (ә) (ҹанымыз она фәда олсун) һәдәфләрини. Инсаны боған вә инсанијјәти мәһв едән сүкүту гырыб, бу јоруҹу һәјаты кәнара атараг инсанијјәт, шәрәф вә әдаләт уғрунда сөз ачыб данышмаг, дүшүнмәк вә она әмәл етмәк бәзән чәтин олса да, лакин инсанијјәтә хас вә јарашандыр...
Имамларымыз (ә) неҹә әмәл етдиләрсә, әҝәр мүсәлман вә шиәјиксә (Әһлибејт тәрәфдарыјыгса), биз дә елә әмәл етмәлијик, кафирләри нараһат етсә белә. Бунлары әмәлдә сиздән өјрәндим вә өјрәнирәм...
Атаҹан, сизә тәшәккүр едирәм вә сизинлә фәхр едирәм. Аллаһдан Сизә өмрүнүзүн јени илиндә зәфәр, дүнја вә ахирәт сәадәти, һәдәфләриниздә мүвәффәгијјәт вә ҹан сағлығы диләјирәм. Һәмишә, сонаҹан сизинләјик, Инша-Аллаһ.
Дуаларынызда бизи дә јад един. Бүтүн вүҹүдумла сизи севирәм вә сизин кими Ата бәхш етдијинә ҝөрә Аллаһа билмирәм неҹә шүкр едим? Әзиз атам, ад ҝүнүнүз мүбарәк вә бәрәкәтли олсун! Инша-Аллаһ.
Һөрмәтлә: гызын Зәһра”
Диггәт: Хәбәрдән истифадә етдикдә мәнбәјә истинад лазымдыр
