Әһли Бејт - АБНА – Хәбәр Аҝентлијинин вердији хәбәрә әсасән, Суријанын БМТ-дәки даими нүмајәндәси Бәшшар Ҹәфәри Түркијә ордусунун Суријанын Һәләб бөлҝәсиндә орду анбарлары гурдуғуну вә бурадан террорчулара силаһ вә һәрби техника верилдијини дејиб.
БМТ баш катиби Пан Ҝи Мун вә БМТ Тәһлүкәсизлик Шурасынын сәдри Рамлан ибн Ибраһимә мәктуб ҝөндәрән Ҹәфәри "1 августда Түркијә гошунларынын Сурија торпагларына ҝирдији ҝөрүлдү. Бу бирликләр Һәләбин шималында галан Бикаһ гәсәбәсинин гаршысында јерләшдирилди вә силаһ анбарлары инша етдиләр.
Бу анбарлардан”Ҹејшул Фәтһ”, “Нусра Ҹәбһәси” вә “Әһраруш Шам” адлы террор тәшкилатларына силаһ вә сурсат верилиб", - дејә билдириб.
Гошунларын Түркијәдән Һәләбдәки террорчулара ракет вә мәрми тәмин етдијини дә дејән Ҹәфәри, һабелә силаһлылары дашыјан дәстәләрин да сәрһәддән кечдијинин мүәјјән едилдијини диггәтә чатдырыб.
Ҹәфәри "Сурија Тәһлүкәсизлик Шурасынын Түркијәни сәрһәдләрини силаһлы террорчу груплара бағламасы вә бу груплары силаһландырмагда чәкинмәјә вадар етмәјә дәвәт едир", - дејә әлавә едиб.
Диггәт: Хәбәрдән истифадә етдикдә мәнбәјә истинад лазымдыр
