Әһли Бејт - АБНА – Хәбәр Аҝентлијинин вердији хәбәрә әсасән, АБШ һәрби рәсмиләри билдирибләр ки, Иран Ислам Республикасынын 4 итисүрәтли кичик һәрби гајыглары Фарс Көрфәзинин Һормуз боғазында АБШ-ын Дестројер- мәһведиҹи һәрби ҝәмиләринә сүрәтлә јахынлашыблар.
Ҹари Август ајынын 23-дә баш верән һадисә заманы Сепаһын 4 кичик һәрби гајығы Һормуз боғазында ИИР сәрһәдләри јахынлығында үзмәк истәјән АБШ-а аид “УСС Нитзе (ДДҜ-94)” һәрби мәһведиҹи ҝәмиси үзәринә ҝедәрәк ишғалчыларын 200 метирлијинә гәдәр јахынлашыблар.
Америка Дәниз Әмәлијјатларынын командири Ҹон Ричардсон бу һагда дејиб: “Сепаһын гајыглары бизим вердијимиз хәбәрдарлыглара бахмајараг сүрәтлә ҝәмијә јахынлашырдылар. Гајыглар бизим 300 метирлијимизә чатдыгда јолумузу сүрәтлә дәјишәрәк ҝеријә чәкилдик.”
Хатырладаг ки, Иран Ислам Республикасынын Сепаһа аид Сәрһәд Гошунлары ИИР суларына дахил олмуш АБШ-ын ики һәрби патрол ҝәмисини 10 һәрбичи илә бирликдә әсир тутмушдур. Даһа ики ҝүн сонра әсирләр ҝәмиләр илә бирликдә АБШ-а гајтарылды.
Диггәт: Хәбәрдән истифадә етдикдә мәнбәјә истинад лазымдыр
