Әһли Бејт - АБНА – Хәбәр Аҝентлијинин вердији хәбәрә әсасән, Азәрбајҹанда һәрби һиссәләрдә намаз отаглары ләғв олунур. Сәбәб исә, рәсми Анкаранын нараһатлығына сон гојмаг бәһанәсидир.
Редаксијаја дахил олан адсыз реурсун вердији мәлумата ҝөрә, сон ҝүнләр Мүдафиә Назирлијинин табечилијиндәки һәрби һиссәләрдә намаз отагларынын ләғвинә старт верилиб. Мәнбәнин сөзләринә ҝөрә, буна сәбәб Түркијәдә баш верән 15 ијул гијам ҹәһди вә бунун ардынҹа фәтуллаһчылара гаршы садәҹә Түркијәдә дејил, дүнјанын бир сыра өлкәләриндә һәјата кечирилән тәгибләрдир.
Мәнбәнин сөзләринә ҝөрә, Түркијә мәтбуатына Азәрбајҹан ордусу вә ДИН-дә Ҝүләнчиләрин олмасы илә бағлы информасијалар јер аландан сонра, рәсми Бакы Анкара илә мүнасибәтләрин ҝәрҝинләшмәсинә јол вермәмәк үчүн һәрби һиссәләрдәки намаз отагларынын ләғвинә гәрар вериб. Сијаси рәһбәрлик һесаб едир ки, индики дөнәмдә намаз отагларынын гападылмамасы ордуда Ҝүләнчиләрин мөвҹудлуғу илә бағлы еһтималлары гүввәтләндирир. Бу сәбәбдән дә һәрби һиссәләрдәки намаз отагларынын ән азындан бир нечә ај мүддәтинә гападылмасына гәрар верилиб.
ГЕЈД: Иддианы тәсдигләмәк мәгсәди илә Азәрбајҹан Республикасы Мүдафиә Назирлијинин мәтбуат хидмәтинә јолладығымыз сорғуја ҹаваб верилмәјиб.
P.S: Фәтуһллаһчыларла мүбаризәдә намаз отагларыны бағламаг дејил садәҹә көклү сүрәтдә пресидент апаратындан тутмуш гануинвериҹилик системинә, ДИН-дән тутмуш Мүдафиә Назирлијинә кими јүксәк вәзифәли мәмурлары һәбс етмәкдир. Унутмаг лазым дејил ки, Азәрбајҹанда Мүсәлман әһалисинин 90 % Шиәләр тәшкил едир вә намазы тәкҹә азлыгда олан нурчу үнсүрләри дејил чохлуг тәшкил едән Шиәләр дә гылыр.
Диггәт: Хәбәрдән истифадә етдикдә мәнбәјә истинад лазымдыр.
