Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сон ҝүнләр Талыш бөлҝәсинин Лерик рајону илә бағлы силсилә јазылар пајлашылыр.
Досје.орҝ сајтынын електрон үнванына сөзүҝедән рајонла бағлы даһа бир шок доғураҹаг мәлумат дахил олду. Белә ки, Лерик рајонунда Талыш Дағларындакы Бркандул мешәләри мүәммалы шәхсләр тәрәфиндән таланыр. Тәәссүф һисс илә гејд етмәлијик ки, Талыш бөлҝәсинин дилбәр ҝушәләриндән олан Лерик рајону аҹынаҹаглы ҝүнләрини јашајыр.
Досје.орҝ-ын әлдә етдији мәлуматлара әсасән мешәләрин мәһвинә шәраит јарадан мешәбәји Теһран Ағајев вә мешә ҝөзәтчиси Рәсул Бәндијевдир. Диҝәр бир мәлуматда о да вурғуланыр ки, Илтифат Һүсејнов адлы шәхс јухарыда ады һалланан Теһран вә Рәсулла әлбир олараг ағаҹларын доғраныб мәһв едилмәсиндә бирбаша иштирак едир. Лакин рајонда һүгуг мүһафизә органларынын мәсәләјә биҝанә јанашмасы олдугҹа үзүҹүдүр.
Бунлардан әлавә Еколоҝија вә Тәбии Сәрвәтләр Назири Һүсејнгулу Бағыровун сусғунлуғу һеч дә башадүшүлән дејил. Фотоларданда ајдын ҝөрүнүр ки, Лерикдә мешәләр күтләви шәкилдә мәһв едилир вә һал-һазырда сүрәтлә давам едир. Әслиндә рајонда тәбиәтин мәһви кимләринсә шәхси марагларына гурбан верилир. Етираф едәк ки, Лерик РИҺ-нин башчысы Рөвшән Бағыров гејд етдијимиз бүтүн негатив һалларын ҹанлы шаһидидир.
Ән азындан иҹра башчысы мәлуматлыдыр ки, Талышын Бркандул мешәләри һансы јолла таланыр. Истәр иҹра башчсы тәрәфиндән, истәрсәдә назирлик тәрәфиндән мәсәлә тәкзиб едиләрсә, демәли һәр ики гурум һәвалә олунан ишләри иҹра едә билмир. Јох, әҝәр мәсәлә тәсдигини тапарса демәли ады һалланан гурумларын разылығы алыныб. Бу истигамәтдә арашдырмаларымыз давам едир.
Диггәт: Хәбәрдән истифадә етдикдә мәнбәјә истинад лазымдыр
