Әһли Бејт (әлејһимус сәлам) -АБНА- Хәбәр Аҝентлији- Әҝәр камала чатмағымызы истәјириксә, ҝәрәк Аллаһы севәк. Әҝәр Аллаһы севириксә, ҝәрәк нәбисини-пејғәмбәри вә вәсисини-имамлары да севәк. Әкс һалда ја өзүмүзүн досту дејилик, ја да фејз Әта Едәнин досту дејилик.
Демәли, сәадәт јолу Аллаһы јада салыб севмәкдән кечир. Өзүнү тәрбијә едиб Аллаһ јолуна гәдәм гојан арифләрдән бири бизләрә ҝөзәл нәсиһәтләр верир ки, әҝәр гулаг версәк фајдамыза олар.
Заманәмизин бөјүк Әхлаг Устады, Ариф, Фәгиһ вә сөзүн әсил мәнасында десәк Аллаһ Тәаланын бәндәси Бәһҹәт ағанын 6 нәсиһәтинә диггәт едәк.
1. Нәсиһәт ҹүзи шејләрә ҝөрә вериләр, моизә даһа үмуми. Бир-бирини танымајан инсанлар бир-биринә нәсиһәт верә билмәз.
2. Һәр ким билдијинә әмәл едәрсә, Аллаһ она билмәдији елми өјрәдәр. Һәр ким билдијинә әмәл едәрсә, билмәдијинә кифајәт едәр. О кәсләр ки, Аллаһ јолунда ҹиһад едәрләр, Аллаһ онлары өз јолуна һидајәт едәр. Билдикләринизә әмәл един, билмәдикләринизә ҝөрә еһтијат един, о замана гәдәр ки, ајдын олар. Әҝәр ајдын оларса, билин ки, бәзи мәлуматлары ајаг алтында гојмусунуз. Чүнки моизәдә мүтләг ешитмисиниз вә билирсиниз, анҹаг әмәл етмәмисиниз. Әкс һалда ајдын оларды.
3. Һамы јахшы билир ки, рисаләни охумалы, баша дүшүб она әмәл етмәлидир. Һалал вә һарамы онунла ајырмалыдыр.
4. О кәсләрә ки, әгидәниз вардыр – онларын әмәлләринә нәзәр салын. О шеји ки, едирләр – сиз дә ихтијари олараг един. О шеји ки, етмирләр, ихтијари олараг сиз дә етмәјин. Бу, али мәгсәдләрә чатмағын ән јахшы јолудур. Әмәли моизә сөз моизәсиндән даһа тәсирлидир.
5. Һәр ҝүн Гуран вә дуа охумаг, мәсҹидә ҝедиб-ҝәлмәк, алимләрин мәҹлисләриндә әјләшмәк инсанын ҝүнү-ҝүндән бәсирәтини артырар вә ибадәтә јахынлашдырар. Әксинә, гәфләт әһли илә јолдаш олмаг гәлби гәсавәтли едәр вә ибадәтдән чәкиндирәр.
6. Бәдиһијјатдыр-ајдындыр ки, етигад вә әмәлдә ҝүнаһы тәрк етмәк инсаны башгасындан еһтијаҹсыз едәр. Јәни, гејриси она мөһтаҹдыр, анҹаг о, гејрисинә мөһтаҹ дејилдир. Һәсәнәләр-јахшылыглар вә ҝөзәлликләр јарадар вә писликләри узаглашдырар. Ҝүнаһ, саһиби үчүн сусуз инсанын ичдији зәһәр кимидир. Ја аҹ инсанын једији мејт әти кимидир. Әҝәр бу јол ахыра гәдәр чәтин олсајды, асанлыг вә рәғбәтлә сонланмасајды, Меһрибан вә Гадир Халиг тәрәфиндән тәшвиг едилмәзди. “Мәним уғурум јалныз Аллаһын көмәји иләдир. Она тәвәккүл етдим вә Она тәрәф гајыдаҹағам”. (“Һуд” 88).
Диггәт: Хәбәрдән истифадә етдикдә мәнбәјә истинад лазымдыр
