Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, вәкил Јалчын Иманов 22 Феврал, 2016 тарихдә Гобустан Гапалы Һәбсханасында АИП лидери Мөвсүм Сәмәдовла ҝөрүшүб.
Бу барәдә Јалчын Имановун өзү мәлумат вериб. Мүвәккилинин сәһһәтинин вә әһвал руһијјәсинин нормал олдуғуну сөјләјән Јалчын Иманов, Мөвсүм Сәмәдовун әзиз Ислам пејғәмбәри Һәзрәти Мәһәммәдин(с) гызы Ханым Фатимеји(с.ә)-нын шәһадәт ҝүнләри вә гаршыдан ҝәлән Хоҹалы сојгырымы илә бағлы бүтүн дүнја мүсәлманаларына вә Азәрбајҹан халгына башсағлығы вериб.
Вәкилин сөзләринә ҝөрә, Мөвсүм Сәмәдов Ханым Зәһра(с.ә)-нын шәһадәт ҝүнләри мүнасибәти илә илк өнҹә зәманәнин имамы Һәзрәти Имам Замана(ә), Әһли-бејт севәрләрә вә бүтүн дүнја мүсәлманларына баш сағлығы әрз едиб: “Аллаһдан арзум будур ки, дүнја вә ахирәтдә бизләри Һәзрәти Фатимеји-Зәһранын(с.ә) инајәт вә шәфаәтиндән мәһрум етмәсин.”
Мөвсүм Сәмәдов ҝөрүш заманы Хоҹалы фаҹиәси илә бағлы да халгымыза баш сағлығы вериб. Вәкил бу барәдә вердији ачыгламада дејилир: “Ермәни ишғалчылары тәрәфиндән төрәдилмиш Хоҹалы фаҹиәси бир груп сојдашымызын фаҹиәви шәкилдә өлдүрүлмәсинә сәбәб олуб. Лакин Гарабағын ишғалы илә бағлы јаранмыш проблем ҹәмијјәтимизин бүтүн саһәләрини өз тәсири алтында сахлајыр. Һеҝемон ҝүҹләр, хүсусилә бејнәлхалг империализм тәрәфиндән јарадылмыш бу проблеми тәәссүфләр олсун ки, мөвҹуд һакимијјәт дә арадан галдырмаг игтидарында дејил. Гарабағ проблеми јалныз халгын мәрд, иманлы вә шәһид руһијјәли өвладларынын “Аллаһу Әкбәр” шүары алтында өз һәллини тапаҹаг. Бир даһа халгымыза гаршыдан ҝәлән Хоҹалы фаҹиәси илә бағлы башсағлығы әрз едир вә дүнјадан көчәнләрә Аллаһдан рәһмәт диләјирәм.”
Хатырладаг ки, Мөвсүм Сәмәдов 2011 ҹи ил 02 Јанвар тарихиндә Азәрбајҹан Ислам Партијасынын кечиртдији конфрансда чыхыш едәрәк өлкәдә баш алыб ҝедән коррупсијаја, ишсизлијә, инсан һагларынын кобуд сүрәтдә позулмасына, Мәсҹидләрин сөкүлмәсинә, Һиҹаба гада гојулмасына вә с. иҹтимаи вә сијаси проблемләрә етираз едәрәк өлкә рәһбәрлијини баҹарыгсызлыгда иттиһам етмишдир. Елә һәмин илин Јанвар ајынын7–дә исә полис Мөвсүм Сәмәдову тутараг 10 ҝүнлүк азадлыгдан мәһрум етдикдән сонра, Јанварын 19-да она гаршы ағыр иттиһамлар сүрәрәк дөвләт чеврилишинә ҹәһд етмәкдә ШӘРЛӘЈӘРӘК 12 ил мүддәтиндә азадлыгдан мәһрум едиб.
Диггәт: Хәбәрдән истифадә етдикдә мәнбәјә истинад лазымдыр
