Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Авропа туруна ики ҝүнлүк сәфәрә чыхан Иран Ислам Республикасынын президенти Һөҹҹәтүл Ислам вәл Мүслимин Доктор Һәсән Руһанинин јемәк зијафәти сөз-сөһбәтә сәбәб олуб.
Белә ки, Ислам Республикасы президентинин илк сәфәри Италијаја олуб. О, рәсми ҝөрүшләр заманы ачылан сүфрәјә шәраб гојулмамасыны истәјиб. Италјанлар ҹәнаб Руһанинин бу истәјинә һөрмәтлә јанашараг нормал гаршылајыб менјудан шәрабы вә һарам хөрәкләри чыхарыблар.
Амма Һәсән Руһанинин шәрабла бағлы ејни тәләби “азадлыг вә мәдәнијјәт” символу кими өзләрини гәләмә верән Франсада кобудҹасына рәдд едилиб. Доктор Руһани јанварын 27-дә Франсаја сәфәри заманы тәшкил едиләҹәк дөвләт зијафәтиндә шәраб верилмәмәсини вә сүфрәјә јалныз һалал гидалар гојулмасыны истәјиб.
Бәнзәр вәзијјәт өтән илин нојабр ајында да јашанмышды. Франсыз радио каналынын јајдығы мәлумата ҝөрә, Руһанинин бу истәји Франса дөвләт принсипләринә зидд олдуғу үчүн (!) наһар јемәји тәхирә салынараг гәлјаналты илә әвәз олунуб. Бу исә Иран тәрәфинин наразылығына сәбәб олуб. Бу јемәк зијафәтини бәсит сајан ИИР нүмајәндә һејәти ону гәбул етмәјиб.
Диггәт: Хәбәрдән истифадә етдикдә мәнбәјә истинад лазымдыр
