Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Илһам Әлијевин бирбаша сәдирлији илә сүлалә гурумунун Дахили Ишләр Назирлијинин Мүәтәшәккил Ҹинајәткарлыгла Мүбаризә Идарәси гүввәләринин Нардаран гәсәбәсиндә евләрдә ахтарышларын апарылмасы үзрә мәнфур әмәлијјаты давам едир.
һафта.аз билдирир ки, Нардаран ағсаггллар шурасынын сәдри Натиг Кәримов журналистләр илә мүсаһибәдә гәсәбәдә вәзијјәтин ҝәрҝин олараг галмагда давам етдијини билдириб вә дејиб: “Дахил Ишләр Назирлијинин Мүтәшәккил Ҹинајәткарлыгла Мүбаризә Идарәси гүввәләри 26 нојабр тарихиндән бәри тәгрибән һәр ҝүн мүхтәлиф иттиһамларла, ганунсуз олараг силаһ вә наркотик маддәләрин сахланылмасы илә мүбаризә ады алтында, әмәлијјатлар һәјата кечирирләр ки, әсас мәгсәд мүхалифләрин физики шәкилдә сырадан чыхарылмасыдыр.”
Натиг Кәримов һәмчинин, һәр ҝүн 2-3 нардаранлынын һәбс едилдијини гејд едәрәк, дејиб: “Хүсуси Тәјинатлы Гүввәләрин 26 нојабрда кәндә ҝирмәсиндән бәри 70-ә јахын кәнд сакини сахланылыб. Индијә кими онларын 30-нун талеји илә бағлы һеч бир мәлумат әлдә етмәк мүмкүн олмајыб.”
Өтән бир ај әрзиндә Нардаран сакинләринә тәзјиг ҝөстәрмәк мәгсәди илә кәндә електрик енержиси , газ вә су верилмәси дајандырылыб. Һәмчинин, дөвләт идарәсиндә чалышан 7 кәнд сакини ишдән чыхардылыб. Хатырлатмаг лазымдыр ки, Нардаран сакинләринин 95%-и ишсиздир. Кәнд әһалисинин садәҹә 5%-и ҝүлчүлүк илә мәшғулдур.
Һәмчинин, Ләнкәран вә Астара шәһәрләриндә дә бәзи диндарлар һәбс едилибләр.
Експертләр вәзијјәтин бу шәкилдә давам етмәсини гејри-мүмкүн һесаб едирләр. Хүсуси илә дә Нардаранда һәјата кечирилән әмәлијјат заманы бир нечә нәфәрин һәјатыны итирмәси реҝион вә дүнја сәвијјәсиндә бөјүк резонанс доғуруб.
Өлкә дахилиндә дә бир сыра сијаси вә иҹтимаи фәаллар, зијалы кәсим вә диндарлар јаранмыш вәзијјәтә етираз едәрәк, 26 нојабр һадисәләри илә әлагәдар һәбс едиләнләрин азадлыға бурахылмасыны тәләб едибләр.
Азәрбајҹанда диндарларын хүсуси илә дә Нардаран сакинләринин һәбс едилмәси просесинин давам етмәсинә рәғмән, һәлә дә баш верәнләрин сәбәбләри илә бғалы дөвләт тәрәфиндән рәсми ачыглама верилмир. Амма, Дини Грумларла Иш үзрә Дөвләт Комитәси сәдринин мүавини Ҝүндүз Исмајылов "Телеграф" информасија порталына вердији мүсаһибәдә өлкәдә ҹәрәјан едән һазыркы диндарлашма просесинин азәрбајҹанлы кимлијинин итирилмәсинә сәбәб олдуғуну дејиб.
О, һәмчинин дејиб: Јарыҹидди-јарызарафат белә бир фикир формалашыб ки, Азәрбајҹанда диндарларын сајы артдыгҹа, санки азәрбајҹанлыларын сајы азалыр.
Беләликлә демәк олар ки, Нардаранда баш верән аҹы һадисәләри вә диндарлара гаршы тәзјигләрин артмасынын архасында, рәсми даирәләрдә формалашан диндарлар арасында милли кимлијин зәифләмәси дүшүнҹәси дајаныр. Амма, ајдын мәсәләдир ки, белә бир дүшүнҹә өлкә вәтәндашларына гаршы зоракылығын әсасландырылмасына кифајәт етмир вә бунун үчүн бәһанә дә ола билмәз.
Диггәт: Хәбәрдән истифадә етдикдә мәнбәјә истинад лазымдыр
