Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 26 Нојабр 2015 тарихдә террорчу әлијевләр режими Бакынын Нардаран мәнтәгәсиндә төрәтдији ҹинајәт Шиә дүнјасында бөјүк гынага сәбәб олду.
Һиҹаб вә Һиҹаб Гадағасы Мәһбусларыны МҮДАФИӘ КОМИТӘСИ өз нөвбәсиндә ҹинајәти гынајан бәјанат јајымлајыб.
ШӘҺИДЛӘРИН РӘББИНИН АДЫ ИЛӘ!
“Шүбһәсиз: “Рәббимиз Аллаһдыр!” – дејәнләрин, сонра да (сөзүнүн үстүндә) мөһкәм дуранларын (дүнјада вә Гијамәт ҝүнү) һеч бир горхусу јохдур вә онлар гәм-гүссә дә ҝөрмәјәҹәкләр! Беләләри ҹәннәтликдирләр, онлар (дүнјада) етдикләри (јахшы) әмәлләрин әвәзи олараг орада әбәди галаҹаглар!” (Әһгаф сурәси, 13-14)
Әссаламу әләјкә ја Әба-Әбдиллаһ!
Илаһи! Вәтән, мәнәвијјат, дин, гејрәт-намус, виҹдан вә өлкәмизин мүстәгиллији уғрунда чалышан, Гуран вә Әли-Бејт (әлејһимуссалам) мәктәбинин ашигләри, мүбариз руһани вә мөмин гардашлырымызын ШҮҸАӘТ ВӘ ӘМӘЛЛӘРИНИ гәбул елә!
Бу ҝүн јенә дә өлкәни башына алмыш вәһһәби вә ифратчы тәригәтләрин әвәзинә дүнја вә Ахирәт сәадәтини һәр бир инсана сығорталајан, мәнтиг, әгл вә камиллик мәктәби, Гуран вә Әһли-Бејт (әлејһимуссалам) ашигләринә гаршы әнәнәви олараг залымлар тәрәфиндән јениләшмиш шәр, бөһтан вә тәзиг компанијасынын давамында Нардаран мәнтәгәсиндә төрәдилән ҹинајәтләрә гаршы етиразымызы билдирир вә һәдәфи вә шүары јалныз, мәнәвијјат, камиллик, һагг-әдаләт вә мүстәгиллик олан мүбариз руһани вә мөмин гардашларымызын дәрһал азад олунмасыны тәләб едир вә бу ҹинајәти тәшкил едән вә онун сифаришчиләринин дәрһал ҹәзаландырылмасыны тәләб едирик!
Һиҹаб вә Һиҹаб Гадағасы Мәһбусларыны
МҮДАФИӘ КОМИТӘСИ
26, 11, 2015
Диггәт: Хәбәрдән истифадә етдикдә мәнбәјә истинад лазымдыр
