Әһли Бејт (әлејһимус сәлам) АБНА- Хәбәр Аҝентлији-нин вердији хәбәрә әсасән, Анкара илә Вашенҝтон арасында бағланан мүгавиләдән сонра Америка Бирләшмиш Штатларынын 6 әдәд Ф16 типли гырыҹы тәјјарәси вә 300 һәрбичиси Түркијәнин 1959-ҹу илдә истифадәјә верилдији Инҹирлик Һәрби Һава Базасына дахил олуб.
АБШ әскәрләри вә гырыҹы тәјјарәләри Италијанын Авијано Һәрби Базасындан чыхарылараг “ИШИД” илә мүбаризә етмәк бәһанәси илә Түркијәјә ҝәтиздирилиб.
Түркијә Һүгуг Тәдгигат мәркәзи Анкара режиминин АБШ һәрбичиләринә Инҹирлик Һәрби Базасындан истифадә етмәк һүгугун вермәсини Мүсәлман Дүнјасы әлејһинә атылмыш бир аддым кими дәјәрләндириб.
Гејд олунан һүгуг мәркәзинин сәдри Јәгуб Әрик Әл бүтүн мәнтәгә өлкәләриндә баш галдырмыш проблемләрин мәһз империалист гүввәләр тәрәфиндән гајнагландығыны өнә чәкәрәк билдириб: Бүтүн атылан аддымлар сионист режиминин марагларыны тәмин етмәк үчүндүр. Елә буна ҝөрә дә, Америка Бирләшмиш Штатларынын истәкләринә јох демәк лазымдыр.
О даһа сонра билдириб: “Түркијә дөвләти ИШИД илә мүбаризә етмәк мәгсәди илә Инҹирлик Һава Базасыны АБШ-ын ихтијарында гојду. Билдирмәк истәјирик ки, һеч бир Мүсәлман өлкәси Инҹирлик Һава Базасындан һүҹума мәруз галмамалыдыр.”
Јәгуб Әрик Әл даһа сонра дејиб: “Империализим АБШ-ын вердији “Бөјүк Јахын Шәрг”лајиһәсини һәјата кечиртмәк мәгсәдини ҝүдүр. Билмәк лазымдыр ки, мәнтәгәдә баш верән бүтүн проблемләр, о ҹүмләдән Түркијәнин гаршылашдығы проблемләрин һаммысы бу лајиһәнин бир һиссәсидир. Түркијә дөвләти чалышмалыдыр ки, империализимин истәкләрини һәјата кечирән аләтә чеврилмәысин.”
Түркијәнин Ислам мејилли партијасы сајылан Сәадәт партијасынын сәдри Мустәфа Кәмалак исә Әрдоған режиминин АБШ ордусуна Түркијә торпагларындан истифадә етмәк һүгугун вермәсини бөјүк бир сәһв аддым адаландырараг билдириб: “Бу јанлыш аддым Түркијә үчүн баһа баша ҝәләҹәк!”
О, даһа сонра гејд едиб: “Түркијәнин мөвҹуд һакими гејд олунан проблем һагда чалынан һәјаҹан тәблинә мәһәл гојмаг әвәзинә тарихин ән бөјүк сәһв аддымын атыб.”
Диггәт: Хәбәрдән истифадә етдикдә мәнбәјә истинад лазымдыр.
