Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, даим дүнја халгларынын дахили мәсәләләринә мүдахилә едән АБШ бир даһа Иран Ислам Республикасынын дахили ишләриндән данышды.
Белә ки, Барак Обама ИИР-н нүвә програмынын дондурулмасына вә Теһрана гаршы санксијаларын јумшалдылмасына даир әлдә олунан тарихи сазишин ләғв едиләҹәјинә ишарә едиб.
АБШ президенти халга әнәнәви һәфтәлик мүраҹиәтиндә гејд едиб: “Сазиш Иранын уран еһтијатларынын 98 фаиз азалдылмасыны нәзәрдә тутур. Бундан башга, зәнҝинләшдирилмиш уранын истеһсалында истифадә олунан сентрифугларын сајы 20 миндән 6 минәдәк азалдылаҹаг.
Теһран һәмчинин Әрак реакторуна дәјишиклик едәрәк бир даһа силаһ мәгсәдли радиоактив плутониј истеһсал етмәмәлидир. Иран Ислам Республикасы јахын 15 ил әрзиндә үмумијјәтлә бу тип реактор тикмәмәлидир.
Бу просес Иранын објектләрини даим јохлајаҹаг Атом Енержиси үзрә Бејнәлхалг Аҝентлијинин һәрби експертләринин нәзарәтиндә олаҹаг. (!)”
Барак даһа сонра сазишин мәһз америкалылар тәрәфиндән ләғв едиләҹәјинә ишарә едәрәк билдириб: “Разылашмада әкс олунан мүддәалардан һәр-һансы позуларса Ирана гаршы бүтүн игтисади санксијалар гүввәјә минәҹәк.”
Диггәт: Хәбәрдән истифадә етдикдә мәнбәјә истинад лазымдыр
