Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjада (ИШИД) террор груплашмасынын тәрәфиндә тәгрибән 70 мин әҹнәби муздлу дөjүшүр, онлардан 7 мини Русиjа вә МДБ-дән ҝәлмәләрдир.
Бу барәдә ТАСС-а мүсаһибәсиндә "Ислам дүнjасы" беjнәлхалг конфрансында иштирак етмәк үчүн Русиjада сәфәрдә олан Суриjа Әрәб Республикасынын али мүфтиси Әһмәд Бәдрәддин Һассун мәлумат вериб.
"Дүнjанын һәр jериндән онларын тәрәфиндә һардаса 70 мин, Русиjа вә МДБ-дән исә 5-7 мин муздлу дөjүшүр. Бәзиләри аиләләри илә ҝәлир, Түркиjәдә һазырлыг кечирләр. Онлары Сәудиjjә Әрәбистаны малиjjәләшдирир. Тәлиматчылары Бөjүк Британиjа вә АБШ-дыр", - деjә Һассун билдириб.
Мүфти геjд едиб ки, ИШИД-ә даһа чох МДБ-нин Газахыстан, Түркмәнистан вә Азәрбаjҹан кими өлкәләриндән муздлу гошулур.
"Ора бүтөв аиләләр ҝәлир. Орада ИШИД-ә гошулмаг үчүн Татарыстан, Газахыстан, Русиjанын диҝәр реҝионлары вә МДБ өлкәләриндән jүзләрлә аилә вар", - деjә муфти билдириб.
Диггәт: Хәбәрдән истифадә етдикдә мәнбәjә истинад лазымдыр
