Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Аллаһшүкүр Пашазадә: "Мәзһәб вә вахт аjрысечкилиjинә сәбәб ола биләҹәк тәгвимләрә мүраҹиәт етмәк дүзҝүн деjил"
"Мүхтәлиф мәнбәләрдән дахил олан вә мәзһәб, вахт аjрысечкилиjинә сәбәб ола биләҹәк диҝәр тәгвимләрә мүраҹиәт етмәк дүзҝүн деjил".
Буну Газылар Шурасы вә Елми-Дини Шурасынын бирҝә иҹласы кечирилән иҹласында Гафгаз Мүсәлманлары Идарәсинин сәдри Шеjхүлислам Аллаһшүкүр Пашазадә билдириб.
Шеjх геjд едиб ки, һәр ил олдуғу кими, бу ил дә Гафгаз Мүсәлманлары Идарәси Азәрбаjҹан Милли Елмләр Академиjасынын Шамахы Астрофизика Рәсәдханасы илә бирликдә Азәрбаjҹан әразиси үфүгүнә уjғун олараг Рамазан аjынын әввәли, намаз вахтлары, бу мүбарәк аjын ҝүндәлик дуалары, еләҹә дә баjрам тарихини әһатә едән хүсуси тәгвим вә jаддаш китабчасы тәртиб едиб: "Мәнәви вәһдәтимизи горумаг мәгсәдилә мүхтәлиф мәнбәләрдән дахил олан вә мәзһәб, вахт аjрысечкилиjинә сәбәб ола биләҹәк диҝәр тәгвимләрә мүраҹиәт етмәк дүзҝүн деjил".
А.Пашазадә билдириб ки, бу тәгвимә риаjәт етмәк ваҹибдир: “Диндарларымыза, бөлҝәләрдәки газылара, сәлаһиjjәтли нүмаjәндәләрә, имам вә ахундлара ибадәт мәканларымызда бу тәгвимә риаjәтин ваҹиб олдуғуну билдиририк. Еjни заманда, өлкәмиздә толерантлыг мүһитинин горунуб-сахланмасы наминә КИВ вә сосиал-медиа васитәләриндә сөзүҝедән тәгвимин тәблиғи вә jаjылмасыны милли вәһдәт бахымындан ваҹиб саjырыг”.
Диггәт: Хәбәрдән истифадә етдикдә мәнбәjә истинад лазымдыр
