Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Али-Сәуд режиминин Јәмәнин мүдафиәсиз вәтәндашларына тәҹавүзү ардынҹа, Иранын Мәдәниjjәт вә Ислами Әлагәләр Тәшкилаты Әнсаруллаһ Һәрәкатынын бир үзвүнүн иштиракы илә Али-Сәудун Јәмәнә һүҹуму вә һүҹумун нәтиҹәләринин арашдырылмасы мөвзусунда Теһранда иҹлас тәшкил етди.
Јәмән Әнсаруллаһ Һәрәкатынын үзвү Сеjид Зиjад бу иҹласда Јәмәндә ингилабын башланғыҹ вә халгын тәләбләринин ҝерчәкләшмәдиjи, фәрари вә геjри-гануни президент Мәнсур һадинин бу ингилабы вә Ислами оjанышы зәрәрсизләшдирмәjә чалышмасы вә бу истигамәтдә истәнилән мәкрли пландан истифадә етмәсинә тохунараг деjиб: Әрәбистан Јәмәндә мүстәгил вә демократик һөкумәти истәмир вә һәмишә өз амилләри, о ҹүмләдән Мәнсур Һадинин көмәjи илә бу өлкәдә һәрҹ-мәрҹлик jаратмаг ардынҹа олуб.
Сеjид Зиjад деjиб: Биз Әр-Риjад иҹласында иштирак етмәjәҹәjик вә бу иҹласда иштирак үчүн бир зәрурәт ҝөрмүрүк. Әрәбистан дүшмән өлкәдир. Әрәбистан Мәнсур Һадинин ҹәнуба гачмасы вә Әнсаруллаһын ишләри jахшы формада ирәлиләтдиjини ҝөрән сәудиjjәлиләрдән көмәк истәмәси илә тәһлүкә һисс етди.
"Јәмән халгына зәрбә вурмаг истигамәтиндә гануни һөкумәт мәсәләсиндән суи-истифадә етмәjә чалышыр" деjән Әнсаруллаһ Һәрәкатынын үзвүнүн сөзләринә ҝөрә, биринҹиси, Әр-Риjад иҹласында иштирак едәнләр Јәмән халгынын нүмаjәндәси деjилләр. Икинҹиси, Әрәбистан дүшмән өлкәдир вә Американын тәдарүк ҝөрдүjү Јәмән батаглығына дүшүб. Мүтләг Әнсаруллаһын һәрәкәти нәтиҹәjә чатаҹаг вә бүтүн Гәрби Асиjа бөлҝәси үчүн нүмунә олаҹагдыр.
Сеjид Зиjад сонда Ислам Ингилабынын Бөjүк Рәһбәри вә Јәмәни мүдафиә едән Иран халгына тәшәккүрүнү билдириб вә ону өзү вә өлкәси үчүн фәхр адландырыб.
Диггәт: Хәбәрдән истифадә етдикдә мәнбәjә истинад лазымдыр
