Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Исламчы мәһбусун Апеллjасиjа Мәһкәмәси сабаһ саат 12:15-дә Бакы Апеллjасиjа Мәһкәмәсиндә баш тутаҹаг
Хәбәр верилдиjи кими, Гобустан һәбсханасына көчүрүлән Араз Гулиjевин һәбсханаjа кечирилмәси барәдә гәрардан шикаjәт Бакы Апеллjасиjа Мәһкәмәсиндә иҹраата верилмишди. Исламазери.аз хәбәр верир ки, Бакы Апеллjасиjа Мәһкәмәсинин һакими Вагиф Мурсагуловун иҹраатына верилән ишә сабаһ бахылаҹаг.
Мәһкәмә саат 12:15-дә башлаjаҹаг. Хатырладаг ки, өтән һәфтә мәһкәмәнин илкин иҹласы кечирилиб вә ишлә танышлыг баш тутуб. Геjд едәк ки, март аjынын 19-да 14 саjлы Ҹәзачәкмә Мүәссисәсиндә сәjjар мәһкәмә кечирилиб.14 саjлы ҸЧМ-дә кечирилән мәһкәмәдә Гарадағ Раjон Мәһкәмәси Араз Гулиjеви 3 ил мүддәтинә Гобустан Гапалы һәбсханасына көчүрүлмәси һаггында гәрар гәбул едиб.Гәрарда геjд едилиб ки, баш редактор А.Гулиjев һәбсханада интизам гаjдаларыны позур, мүәссисәнин тәмир ишләринә көмәклик етмир.Дустаглар арасында дини тәблиғат апарыр, дини мәрсиjәләр охуjур. Араз Гулиjев вә онун вәкили Јавәр Һүсеjнов гәрары әлдә едәндән сонра апеллjасиjа шикаjәти верибләр.
Ону да геjд едәк ки, баш редактор Араз Гулиjев Масаллы раjонунда әсассыз иттиһамларла jерли һүгуг-мүһафизә органларынын гурдуғу планла шәрләнәрәк, Ләнкәран Ағыр Ҹинаjәтләр Мәһкәмәсинин 2013-ҹү ил апрелин 5-дә чыхардығы һөкмлә 8 ил азадлыгдан мәһрум едилиб. Араз Гулиjев барәсиндә һәбсханада олдуғу заман да гараjахма кампаниjалара старт верилиб. Белә ки, 2014-ҹү ил декабр аjынын 22 дә мәһкум Елшад Бабаjев 14 саjлы ҹәзачәкмә мүәссисәсинин әмәкдашлары тәрәфиндән карсердә өлдүрүлдүкдән сонра мәһкумлар Е.Бабаjевин өлүмүнә ҝөрә етираз аксиjасы кечирибләр.
Аксиjада "түрмә"нин бир нечә әмәкдашыны дөjүлмәкдән хилас едән, һәмчинин мүәссисәjә зиjан вурмаға чалышан мәһкумларын гаршысыны алан, үсjаны сакитләшдирмәjә чалышан һиҹаб мәһбуслары - Араз Гулиjев, Анар Гасымлы, Рамил Вәлиjев, Рза Ағалы, Илһам Һәтәмов вә диҝәр дустаглар 14 саjлы һәбсхананын рәиси Әли Ибраһимов тәрәфиндән ишҝәнҹәләрә мәруз галыблар. Белә ки, Ибраһимов әввәл инанҹлы мәһкумлардан И.Һәтәмову вә Р.Ағалыны һәбсхана дахилиндәки карсерә салыб. Сонра - декабрын 26-да һәбсханаjа хүсуси тәjинатлы гүввәләр jеридиләрәк мәһкумлар амансызҹасына дөjдүрүлүб. Ардынҹа Араз Гулиjев вә Анар Гасымлы дахил олмагла 11 мәһкум ишҝәнҹә верилмәк үчүн Ихтисаслашдырылмыш Мүалиҹә Мүәссисәсинә (“Тубзон”) апарылыблар. Бир мүддәт орада "Тубзон"ун рәиси Низами Гулиjев тәрәфиндән дөjүләрәк ағыр вәзиjjәтдә сахланылан мәһкумлар jенидән 14 саjлы ҸЧМ-ә гаjтарылыблар. Бурада онлар jенидән карсерә, Араз Гулиjев вә Мирjусиф Әсәдов исә “бункер”ә (ҝөздән узаг jерин алтына) салыныблар. Мартын 11-дән сонра карсердә олан мәһкумлардан 8 нәфәри ҹәза камерасындан азад едилиб. Лакин Араз Гулиjев, Мирjусиф Әсәдов вә Натиг адлы мәһкумун карсер ҹәзасы Әли Ибраһимов тәрәфиндән даһа 1 аj артырылыб. Мартын 19-да Ә.Ибраһимов тәрәфиндән ағыр ишҝәнҹәләрә мәруз галан үч мәһкумун ҹәзачәкмә мүәссисәси дахилиндә мәһкәмәси кечирилиб вә онларын Гобустан гапалы типли һәбсханаjа көчүрүлмәси барәдә гәрар чыхарылыб.
Диггәт: Хәбәрдән истифадә етдикдә мәнбәjә истинад лазымдыр
