Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Әл-Гүдс Әл-Әрәбинин мәлуматына ҝөрә, Канада сечкиләринин нәтиҹәләри сионист тәрәфдары даирәләр арасында ҝениш гәзәб јарадыб. Бу арада, Фәләстин мәсәләсиндә Марк Карнинин башчылыг етдији либералларын гәләбәси, әлбәттә ки, әсаслы дәјишиклик етмәдән, ән јахшы һалда мәнфи бахышларын азалмасыны ҝөстәрә биләрди.
Фашист Исраил режиминин Бирләшмиш Милләтләр Тәшкилатындакы нүмајәндә һејәтинин Торонтода анадан олмуш кечмиш спикери Авива Кломпас сечкиләрин нәтиҹәләриндән дәрин мәјус олдуғуну билдириб, сионист тәсирли Далиа Куртз исә чыхышында Канаданын инди “Канада Ислам Республикасы”на чеврилдијини нәзәрә алараг Флоридаја көчмәји планлашдырдығыны ачыглајыб.
Канададакы сионист режим тәрәфдарларынын бу бәјанатлары өлкәнин јени баш назири Марк Карнинин Ҹастин Трүдо илә мүгајисәдә Фәләстин мәсәләсиндә мүһафизәкар мөвге тутдуғу бир вахта тәсадүф едир. Вә баш назир кими сон ҝүнләриндә “мән сионистәм” дејән Трүдодан фәргли олараг, јени баш назир сионизмә идеоложи бағлылыг нүмајиш етдирмир. Лакин сионист режим тәрәфиндән фәләстинлиләрин гәтлиамы илә бағлы суала ҹаваб олараг о, суалдан јајынараг, буну “мүрәккәб суал” кими гијмәтләндириб.
Неҹә ки, сечки кампанијасы заманы тамашачылардан кимсә гышгыранда: "Фәләстиндә сојгырым давам едир!"
Карни белә ҹаваб вериб: “Мән бунун фәргиндәјәм вә буна ҝөрә дә биз Исраилә силаһ ембаргосу гојдуг”. Лакин о, сонрадан журналистләрә “сојгырым” сөзүнү ешитмәмишәм” дејиб.
Sizin rəyiniz