Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иранын хариҹи ишләр назири дејиб ки, “Фарс көрфәзинин тарихи адынын дәјишдирилмәсинин сијаси мотивләри Иран вә халгына гаршы дүшмәнчилик нијјәтиндән хәбәр верир”.
Иран Ислам Республикасынын хариҹи ишләр назири Сејид Аббас Әрагчи АБШ президенти Доналд Трамп администрасијасынын Фарс көрфәзи үчүн сахта адлар ишләтмәк планы илә бағлы јајылан хәбәрләрә ҹаваб вериб.
Чәршәнбә ҝүнү Әрагчи Х сосиал шәбәкәсиндәки шәхси сәһифәсиндә јазыб: “Фарс көрфәзи ады, бир чох ҹоғрафи адлар кими, бәшәр тарихиндә дәрин көкләрә маликдир. Иран һеч вахт Оман дәнизи, Һинд океаны, Әрәбистан дәнизи вә ја Гырмызы дәниз кими адларын истифадәсинә етираз етмәјиб. Бу адларын истифадәси һәр һансы бир милләтин мүлкијјәтини ифадә етмир, әксинә, бәшәријјәтин коллектив ирсинә үмуми һөрмәти нүмајиш етдирир.”
О даһа сонра јазыб: “Бунун әксинә олараг, Фарс көрфәзинин тарихи адынын дәјишдирилмәсинин сијаси мотивләри Ирана вә онун халгына гаршы дүшмәнчилик нијјәтиндән хәбәр верир вә гәти шәкилдә писләнир. Бу ҹүр гәрәзли һәрәкәтләр мәншәјиндән вә јашајыш јериндән асылы олмајараг бүтүн иранлылара гаршы тәһгирдир.”
ИИР ХИН-и үмидвар олдуғуну билдириб ки, “Фарс көрфәзинин ады илә бағлы ҝүлүнҹ сөз-сөһбәтләр “һәмишә мүһарибә гызышдыран” шәхсләрин бүтүн дүнјада иранлылары гәзәбләндирмәк вә тәһрик етмәк үчүн јалан кампанијасындан башга бир шеј дејил”.
Дипломатик хидмәтин рәһбәри сөзүнә давам едиб: “Әминәм ки, Америка Бирләшмиш Штатларынын президенти Фарс көрфәзи адынын чохәсрлик олдуғуну вә бүтүн картографлар вә бејнәлхалг гурумлар тәрәфиндән танындығыны билир вә һәтта 1960-ҹы илләрин сонларына гәдәр реҝионун бүтүн лидерләри тәрәфиндән рәсми јазышмаларында истифадә олунуб.”
Әрагчи вурғулајыб ки, "бу мөвзуда һәр һансы бир узагҝөрәнлик һеч бир һүгуги вә ҹоғрафи әсас вә ја тәсирә малик олмајаҹаг, јалныз Иранда, АБШ-да вә дүнјада һәр тәбәгәдән вә сијаси фикирдән олан бүтүн иранлыларын гәзәбинә сәбәб олаҹаг".
Иранын хариҹи ишләр назири мәгаләсиндә АБШ Конгрес Китабханасындан “Фарс көрфәзи” адынын гејд олундуғу хәритәни дәрҹ едиб.
Sizin rəyiniz