Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ирагын Милли Һикмәт Һәрәкатынын лидери Сејид Әммар Һәким Һәшду-Шәбинин (Ираг Халг Сәфәрбәрлик Гүввәләри) әмәлијјат гәрарҝаһына сәфәри заманы бу тәшкилатын Ирагын горунмасында мүһүм рол ојнадығыны гејд едәрәк билдириб: “Әҝәр төкүлән бу пак вә ҝүнаһсыз ганлар олмасајды, Ираг азад олунмазды!”
О, Халг Сәфәрбәрлик Гүввәләринин вә диҝәр тәһлүкәсизлик гүввәләринин фәдакарлыг вә сәјләринә тохунараг, тәһлүкәсизлик тәдбирләринин давам етдирилмәсинә вә наилијјәтләрин горунуб сахланмасына тәкид едиб.
Сејјид Һәким тәһлүкәсизлик тәдбирләриндә кәшфијјат мәлуматларындан истифадәнин, мүасир технолоҝијалар, технолоҝија вә сүни интеллектдән истифадәнин ваҹиблијини вурғулајараг билдириб: “Халг Сәфәрбәрлик Гүввәләри даим нәзарәт алтындадыр вә бу мәсәлә еһтијатлылыг вә сајыглыг тәләб едир, чүнки бу тәшкилатын шәрәф вә нүфузуну горумаг һәр кәсин борҹудур.”
Ҹәнаб Сејјид Әммар Һәким Халг Сәфәрбәрлик Гүввәләринин ролуну јүксәк гијмәтләндирмәклә јанашы, халгын сәсинин ешидилмәсинә, проблемләрин һәллинә, ҝөрүлән ишләрин изаһ олунмасына чағырыб.
О гејд едиб ки, Ирагда олан сабитлик бир чох өлкәдә олмаја биләр вә бу, Аллаһын лүтфү вә Халг Сәфәрбәрлик Гүввәләри вә диҝәр тәһлүкәсизлик гүввәләринин фәдакарлығы илә бағлыдыр.
Сејјид Әммар Һәким даһа сонра дејиб: “Террор, тәһлүкәсизлијин дәјәрини вә ираглыларын бир-бирини дәстәкләмәсинин ваҹиблијини дәрк етмәк үчүн бир фүрсәтдир вә әҝәр бу проблем олмасајды, Имам Систанинин фитвасы илә Халг Сәфәрбәрлик Гүввәләри јарадылмазды!”
О, әлавә едиб ки, терроризм Сәддамын Баас режиминә хидмәт едиб вә бу, бәзи террорчу лидерләрин етирафларындан, онларын кечмиш режимдәки тарихләриндән вә мөвгеләриндән ајдын олур, чүнки онлар разылашдырылмыш графикләрә ујғун олараг Бағдада дахил олмағы планлашдырырдылар, лакин онлар бу мүбарәк фитваны ки, онун бәһрәси мүдафиә ҹиһадына вә Халг Сәфәрбәрлик Гүввәләринин јарадылмасына ҝәтириб чыхартды, нзәрә алмамышдырлар.
Sizin rəyiniz