Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: 1 сајлы Бакы Истинтаг Тәҹридханасында анти-Шиә әлијевләр сүлалә режиминин әсирлијиндә сахланылан инанҹлы Тәрлан Сәјадов аҹлыг аксијасына башлајыб. Бу барәдә о, аиләси илә телефон әлагәси сахлајараг мәлумат вериб. Сәјадовун аҹлыға башламасына сәбәб 1 апрел, 14 сајлы полис бөлмәсинин ишчиләринин зор тәтбиг едәрәк инанҹлы ханым Хәјалә Гурбанованы полис идарәсинә апармасы вә ганунсуз олараг ондан изаһат алмасы олуб.
Хәјалә ханымын билдирдијинә ҝөрә идарәдә она хәбәрдарлыг олунуб ки, Маштаға әразисиндә олан диҝәр мәһбусларын да ханымлары бура ҝәтириләҹәк. Бу сырада Тәрлан Сајадовун да һәјат јолдашынын ады һалландырылыб.
Бу сәһәр евинә телефон зәнҝи ачан Тәрлан мәсәләни һәјат јолдашындан өјрәндикдән сонра јазылы формада гуру аҹлыға башлајараг 14-ҹү полис бөлмәсинин аддымларына етираз етдијини бәјан едиб.
Мәсәләдән тәҹридхана рәһбәри Елнур Исмајылов да хәбәрдар олуб вә Тәрлан Сәјадову гәбул едиб. Ејни һалда о, бу барәдә Дахили Ишләр Назирлијинә дә мәлумат вериб. ДИН-нин бир нечә рәсми шәхси шикајәтлә бағлы тәҹридханада олуб вә Тәрлан Сәјадовла ҝөрүшүбләр. Онлар мәсәләнин арашдырылаҹағыны билдирәрәк Сәјадовдан аҹлығы дајандырмағы истәјибләр.
Тәрлан Сајадов исә бүтүн истәкләри рәдд едәрәк ишин һүгуги мүстәвидә һәлл олунаҹағы ҝүнә гәдәр өлүм аҹлығыны давам етдирәҹәјини билдириб.
Хатырладаг ки, өтән ҝүн 14-ҹү полис бөлмәсинин бир груп ишчиси сијаси мәһбус Самир Бабајевин балдызы Хәјалә Гурбанованы јолдан исрарла машына миндирәрәк полис бөлмәсинә ҝәтириб вә баҹысы Ҝүнел Бабајева да башда олмагла мәһбус аиләләринин сосиал медиа үзәриндән пајлашымларына ҝөрә онлары һәдәләјиб. Гејд едилән ханымларын ичиндә Тәрлан Сәјадовун да ханымынын ады јер алыб.
Аиләси Тәрлан Сәјадовун ағыр мәдә хәстәликләриндән әзијјәт чәкдијини вә бу аҹлығын ону өлүмә апараҹағыны билдирәрәк мәсәләдән нараһатлыгларыны ифадә едиб. Һәтта Тәрлан Сајадовдан аҹлығы дајандырмағы хаһиш етсәләр дә Тәрлан мөвҹуд аддымын намуса узанан хәјанәт әли олдуғуну билдирәрәк аиләсинин истәјини рәдд едиб.
Sizin rəyiniz