Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: АБШ ливанлы һәкими шәһид Сејид Һәсән Нәсруллаһын дәфн мәрасиминдә иштирак етдији үчүн өлкәдән говуб.
АБШ сәлаһијјәтлиләри телефонунун силинмиш фајллар говлуғунда шәһид Сејид Һәсән Нәсруллаһын дәфн мәрасиминдә иштиракыны әкс етдирән фото вә видеоларын тапылмасындан сонра кечән һәфтә Род-Ајленддән Ливана бир һәким депортасија етдикләрини ачыглајыб.
Доктор Рәша Әләвијјә Америка кәшфијјат аҝентләринә Ливанда Һизбуллаһын шәһид баш катибинин дәфн мәрасиминдә иштирак етдијини вә ону бир Шиә мүсәлман кими дәстәкләдијини дејиб.
Елит вә баҹарыглы шәхсләрә верилән визаја саһиб олан 34 јашлы Ливан вәтәндашы аиләсини зијарәт етмәк үчүн Ливана сәфәрдән гајытдыгдан сонра Бостонун Логан Бејнәлхалг Һава Лиманында һәбс едилиб.
Сонра онун гоһумларындан бири мәһкәмәјә мүраҹиәт едәрәк онун Америка торпагларындан депортасијасынын гаршысынын алынмасыны тәләб едиб.
АБШ Әдлијјә Департаменти ливанлы һәкимин өлкәдән чыхарылмасы илә бағлы илк иҹтимаи изаһатында дејиб:
Браун Университетинин нефрологу вә досенти Раша Әләвинин телефонунда тапыланлар вә һава лиманында сорғу-суал заманы вердији ифадәләр әсасында АБШ-а гајытмасынын гаршысы алыныб.
Әләвијјә сорғу-суал заманы шәһид Сејид Һәсән Нәсруллаһын дәфн мәрасиминдә иштиракынын сәбәби илә бағлы бунлары дејиб:
Бу сырф дини мәсәләдир. О, ҹәмијјәтимиздә чох һөрмәтли шәхсдир вә мәним үчүн бу, сијаси мәсәлә дејил.
Sizin rəyiniz