Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Доналд Трампын Гәзза золағынын сакинләринин көчүрүлмәси илә бағлы ҹәфәнҝијјат ачыгламаларындан сонра Сәудијјәнин кечмиш кәшфијјат рәһбәри Турки бин Фајсал Ал Сауд Трампа мәктуб јазыб вә бөһранын тарихини вә көкләрини нәзәрдән кечириб.
Шаһзадә Турки Әл-Фејсәлин президент Трампа мәктубунун там мәтни беләдир:
“Фәләстин халгы гејри-гануни мүһаҹир дејил ки, башга торпаглара депортасија олунсун. Бу торпаглар онларын торпагларыдыр, Исраилин дағытдығы евләр исә онларын евләридир вә гәззәләлиләр Исраилин онлара әввәлки һүҹумларындан сонра етдикләри кими, евләрини јенидән тикәҹәкләр.
Гәзза әһалисинин әксәријјәти 1948-ҹи вә 1967-ҹи ил мүһарибәләри заманы, Исраилин әввәлки сојгырым һүҹуму заманы индики Исраил вә Иордан чајынын гәрб саһилиндәки евләриндән говулмуш гачгынлардыр. Әҝәр онлар Гәззадан көчүрүләҹәкләрсә, онлара өз евләринә, Һајфа, Јаффа вә гачдыглары вә ја исраиллиләр тәрәфиндән зорла говулдуглары диҝәр шәһәр вә кәндләрдәки портағал вә зејтун бағларына гајытмасына иҹазә верилмәлидир.
Ҹәнаб Президент, Икинҹи Дүнја Мүһарибәсиндән сонра Авропадан вә башга јерләрдән Фәләстинә ҝәлән он минләрлә иммигрантын чоху Фәләстинлиләрин евләрини вә торпагларыны оғурлајыб, сакинләри террор едиб вә етник тәмизләмә кампанијасына гошулублар. Тәәссүфләр олсун ки, мүһарибәнин галиби олан АБШ вә Инҝилтәрә фәләстинлиләрин өз евләриндән вә торпагларындан өлүмҹүл сурәтдә чыхарылмасына белә шәраит јаратдылар.
АБШ вә Инҝилтәрә Адолф Һитлерин Һолокост гурбанларыны гәбул етмәк истәмәдији үчүн онлары Фәләстинә ҝөндәрмәјә разылашдылар. Мүәллиф Диана Престон “Јалтада сәккиз ҝүн” китабында АБШ-ын о заманкы президенти Франклин Рузвелтлә русијалы һәмкары Иосиф Сталин арасындакы сөһбәтә истинад едир. Престон јазыр: "Сөһбәт јәһуди торпаглары мөвзусуна ҝетди. Рузвелт өзүнүн сионист олдуғуну деди... Сталин Рузвелтдән [Сәудијјә кралы] Ибн Сәуда һансы һәдијјәни нәзәрдә тутдуғуну сорушдугда, о, ҹаваб верди ки, јеҝанә ҝүзәшти она алты милјон јәһуди вермәк ола биләр..."
Хошбәхтликдән ҹәнаб Рузвелт Ибн Сәудла ҝөрүшәндә крал ону бу тәклифдән чәкиндирди вә Һолокостун тәзминаты олараг Алманијанын ән јахшы торпагларынын јәһудиләрә верилмәсини тәклиф етди. Тәәссүф ки, Рузвелтин вариси Һарри Труман јәһудиләрин Фәләстинә иммиграсијасыны үрәкдән дәстәкләди вә нәтиҹәдә Исраилин формалашмасында бөјүк рол ојнады.
Бу ҝүн шаһиди олдуғумуз зоракылыг вә ган төкүлмәси һәмин һәрәкәтин вә Инҝилтәрәнин 1917-ҹи илдән о вахта гәдәр сионист амбисијалары илә әввәлки шәриклијинин нәтиҹәсидир.
Ҹәнаб Президент, Фәләстинә сүлһ ҝәтирмәк барәдә бәјан етдијиниз нијјәтиниз дүнјанын бу һиссәсиндә чох јүксәк гијмәтләндирилир. Мән һөрмәтлә тәклиф едирәм ки, бунун јолу Фәләстинлиләрә БМТ Баш Ассамблејасынын 181 вә 194 сајлы гәтнамәләриндә, Тәһлүкәсизлик Шурасынын 242 вә 338 сајлы гәтнамәләриндә вә Әрәб Сүлһ Тәшәббүсүндә нәзәрдә тутулдуғу кими фәләстинлиләрә өз мүгәддәратыны тәјин етмәк үчүн ајрылмаз һүгуг вә пајтахты Шәрги Гүдсдә олан бир дөвләт вермәкдир.
Бүтүн әрәб вә ислам өлкәләри, еләҹә дә Фәләстин Мухтаријјәти һәрби әмәлијјатлары дајандырмаг вә Исраиллә әлагәләр гурмаг үчүн Әрәб Сүлһ Тәшәббүсүнүн шәртләрини гәбул едир. 149 өлкә Фәләстин Дөвләтини таныјыр. Зәһмәт олмаса өлкәнизи 150-ҹи өлкә един. Бу нәҹиб мәсәлә әдаләтли вә инсафлы шәкилдә һәлл едилмәдән Јахын Шәргдә һеч бир сүлһ әлдә олунмајаҹаг.”
P.S: Гејд едәк ки, Түрки Фејсәлин јаздығы мәктубунун сон парагырафынын илк ифадәси там јалныш вә анти-Фәләстин бир ифадәдир. Гәззәлиләр вә Иран Ислам Республикасы әрәб вә диҝәр мүсәлман өлкәләриндән там фәргли олараг Исраил адлы ишғалчы режимин тамамилә арадан ҝетмәсинин вә бөјүк Фәләстин торпагларында јалныз Фәләстин Дөвләтинин јарадылмасынын тәрәфдарыдырлар. Ҝәлмә јәһудиләр исә Фәләстинлиләрин евләрини онлара гајтарараг ҝәлдикләри өлкәләринә гајытмалыдырлар.
Диггәт: Лүтфән Хәбәрдән Истифадә Етдикдә Мәнбәјә Истинад Един!
