Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Елмә Әсасланан Космос Ширкәтинин баш директору һиҹри шәмси илә илә ҝәлән илин (милади тарихи илә исә) биринҹи јарысында Көвсәр пејкинин "Көвсәр 1.5" адлы тәкмил версијасынын космоса бурахылаҹағыны елан едиб.
ИИР Елмә Әсасланан Ширкәтин баш директору Һүсејн Шәһраби, Али Мәгамлы Рәһбәрин өзәл секторун наилијјәтләри вә имканлары сәрҝисинә бахыш кечирмәси әрәфәсиндә Имам Хаменеи һәзрәтләринин һүзурунда Көвсәр пејкинин "Көвсәр 1.5" адлы тәкмил версијасынын ҹари милади илинин орталарында орбитә бурахылаҹағыны билдирди.
Јерли мүтәхәссисләрин сәјләринин нәтиҹәси олан “Көвсәр 1.5” пејки әслиндә даһа әввәл 2024-ҹү ил нојабрын 5-дә космоса бурахылмыш “Көвсәр” вә “Һод-һод” пејкләринин тәкмилләшдирилмиш версијасыдыр.
Бу ики пејк узагдан зондлама (Көвсәр) вә Әшјаларын Интернети (Һод-һод) миссијалары илә дәгиг кәнд тәсәррүфатынын инкишафында әсас рол ојнајыр.
Һүсејн Шәһраби даһа сонра гејд едиб:
“Бу пејкләрин компонентләринин 85 фаизиндән чоху локаллашдырылыб. Бүтүн һиссәләри хариҹдән ҝәтирилсә белә, бу пејкләрин лајиһәләндирилмәси вә тикинтиси баҹарыглы јерли мүтәхәссисләр тәрәфиндән һәјата кечирилиб вә бу лајиһә тамамилә јерли һесаб олунур.”
О, санксијаларын чағырышларына тохунараг, бу манеәләрин уғурла арадан галдырылмасындан вә тәһдидләрин фүрсәтә чеврилмәсиндән данышыб.
Шәһраби вурғулајыб:
“Көвсәр вә Һод-һод миссијаларынын "Көвсәр 1.5" адлы бирләшмиш версијасы ҝәлән илин биринҹи јарысында орбитә бурахылаҹаг. Капитал ҹәлб етмәклә бу пејкләрин системинин лајиһәләндирилмәси вә истеһсалы үчүн сәјләр ҝөстәрилир.”
ИИР Елмә Әсасланан Ширкәтин баш директору бу сәнајенин инкишафында һөкумәтин ролуну чох ваҹиб һесаб едиб вә һөкумәти космик хидмәтләр базарына зәманәт вермәјә вә бу хидмәтләрин әввәлҹәдән алынмасына чағырыб.
Һәмчинин, Елмә Әсасланан секторда технолоҝија рискинин азалдылмасы вә әсассыз тәнзимләјиҹи манеәләрин арадан галдырылмасы Шәһрабинин һөкумәтдән тәләбләри арасында иди.
О, иррасионал тәнзимләјиҹи манеәләрин арадан галдырылмасынын ваҹиблијини вурғулајараг билдириб:
“Тәнзимләјиҹи органларын космик сәнајени кифајәт гәдәр дәрк етмәмәси һөкумәт менеҹерләринин бөјүк лајиһәләри һәјата кечирмәк ҹәсарәтини азалдыб вә бу, бизим үчүн бөјүк проблем јарадыр.”
Диггәт: Лүтфән Хәбәрдән Истифадә Етдикдә Мәнбәјә Истинад Един!
