Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Јәмән Силаһлы Гүввәләринин Спикери ҝенерал Јәһја Сәри, Америка-Британија коалисијасынын Јәмәнә гаршы сон тәҹавүзләринин дә ифласа уғрамасы илә бағлы бәјанат јајымлајыб.
Бәјанатда дејилир: “Гырмызы Дәниздә јерләшән Америка-Британија коалисијасынын УСС Һаррј Труман авиадашыјыҹысынын вә онун бир сыра есминесләринин өлкәмизә гаршы башлатдыглары авиа һүҹумларына ҹаваб олараг дүшмән мөвгеләринә гаршы уғурлу әмәлијјат кечирилиб.
Әмәлијјат сәккиз ганадлы ракет вә 17 пилотсуз тәјјарә илә һәјата кечирилиб вә әмәлијјат ашағыдакы нәтиҹәләрә ҝәтириб чыхарыб:
Биринҹи: Есминесләр Јәмән пилотсуз тәјјарәләри вә ракетләри илә гаршылашмаға чалышаркән Ф-18 тәјјарәсини вуруб.
Икинҹи: Дүшмән дөјүш тәјјарәләринин чоху Јәмәнин һава мәканыны тәрк едәрәк УСС Һаррј Труман авиадашыјыҹысыны мүдафиә етмәк мәгсәди илә бејнәлхалг сулара кечмәк мәҹбуријјәтиндә галыблар.
Үчүнҹү: Дүшмәнин Јәмән әразисинә һүҹуму уғурсузлугла мүшаһидә олунду.
Дөрдүнҹүсү: УСС Һаррј С. Труман тәјјарәдашыјан ҝәмисинин ракет гүввәләри, дәниз гүввәләри вә һава гүввәләри дәфәләрлә һүҹума мәруз галдыгдан сонра сабиг гәрар тутдуғу базасындан Гырмызы дәнизин шималына јөнләндириләрәк ҝери чәкилмәк мәҹбуријјәтиндә галыб.
Јәмән Силаһлы Гүввәләри Америка-Инҝилтәрә тәҹавүзү илә үзләшмәкдә вә һүҹумларын гаршысыны алмагда уғурларыны тәсдиг етмәклә јанашы, гаршыдакы дөврдә Америка-Инҝилтәрә-Исраил ахмаглығына гаршы дурмаға һазыр олдугларыны бир даһа вурғулајырлар.
Јәмән Силаһлы Гүввәләри, Исраил вә Америка дүшмән гүввәләрини Јәмәнә гаршы тәҹавүз етмәкдән бир даһа хәбәрдар едир вә Јәмәнин мүдафиәси үчүн там һүгугларындан истифадә едәҹәк вә Гәззаја гаршы апарылан тәҹавүз дајандырылана вә мүһасирә ҝөтүрүләнә гәдәр Фәләстин халгына дәстәјини давам етдирәҹәкләр.
Сәна, 21 Ҹүмәдүл-ахирә, һиҹри 1446-ҹы ил
22 декабр 2024-ҹү ил
Диггәт: Лүтфән Хәбәрдән Истифадә Етдикдә Мәнбәјә Истинад Един!
