Сејид Ибраһим Рәиси/ Зијад Әл-Нәхалә вә ону мүшајиәт едән һејәтлә ҝөрүшдә дејиб: Бир заманлар сионист режимин ишғалы вә зүлмүндән хилас олмаг үчүн фәләстинлиләрин бир һиссәсинин үмиди мүзакирә масаларына иди. Бу ҝүн исә һамы, һәтта мүзакирә тәрәфдарлары белә,/ мүгавимәт гүввәләри вә мүбаризләринә үмид ҝөзү илә бахырлар.
Иран президенти әлавә едиб: Бу ҝүн фәләстинли мүбаризләр тәшәббүсү әлә алыблар. Бу бөјүк гәләбә илаһи һәдијјә олуб, сионист режимин вә бу режимин һимајәдарларынын зоракылығы вә зүлмү гаршысында мүгавимәт вә проблемләр гаршысында сәбирлилик һесабына/ башыуҹа Фәләстин халгына нәсиб олуб.
Рәиси/ Фәләстинин ҝәнҹ нәслини ишғал олунмуш әразиләрин ҝери алынмасындан мәјус етмәји/ сионистләрин бәзи әрәб вә ислами өлкәләрлә мүнасибәтләри нормаллашдырмаг үзрә сәјләриндәки мәгсәдләриндән бири адландырыб вә әлавә едиб ки: Бу сәјләр бир нәтиҹә вермәјәҹәк, чүнки мүнасибәтләрин нормаллашдырылмасынын биринҹи вә ән ҹидди мүхалифләри, мәһз һәмин өлкәләрин халгларыдырлар.
Бу ҝүн Фәләстин халгы һәр замандакындан даһа мүттәфигдир. Бунун мүгабилиндә, сионист ҹәмијјәт даһа дағыныг вә даһа пәракәндәдир вә онун тәнәззүл етмәсинин нишанәләри үзә чыхыбдыр- дејән Рәиси вурғулајыб: Бу ҝүн реҝион халгларындан тутмуш/ Латын Америкасы өлкәләринин халгларынадәк/- дүнја халгларынын үрәкләри сизә јөнәлиб. Бу, Аллаһын лүтфү, һәмчинин мүгавимәт ҹәрәјаны шәһидләри, о сырадан шәһид Һаҹы Гасым Сүлејманинин ганларынын бәрәкәтидир.
Јекун гәләбә чох јахын олуб, башыуҹа Фәләстин халгына аиддир- дејә, Рәиси вурғулајыб.
Зијад Әл-Нәхалә дә өз нөвбәсиндә, Фәләстин халгынын Иран Ислам Республикасынын мүнтәзәм һимајәләринә ҝөрә миннәтдар олдуғуну дејиб. Билдириб ки: Бу ҝүн Иран Ислам Республикасы/ реҝионал вә глобал анлашмаларда/ мүһүм вә тәјинедиҹи бир өлкәдир.
342/
