Әһли-Бејт (әлејһимус сәлам) – Хәбәр Аҝентлији АБНА-нын вердији
мәлумата әсасән, Русија мүдафиә назири Серҝеј Шојҝу, Иран Ислам Республикасынын
мүдафиә назири Муһәммад Рза Аштијани, Сурија мүдафиә назири Али Маһмуд Аббас, Түркијәнин
милли мүдафиә назири Һулуси Акар вә ејни заманда, Русија, ИИР, Сурија вә Түркијә
кәшфијјат хидмәтләринин рәһбәрләри илә 25 апрелдә Москвада ҝөрүшүбләр.
Ҝөрүшдә Суријадакы тәһлүкәсизлик вәзијјәтинин ҝүҹләндирилмәси, Түркијә-Сурија әлагәләринин нормаллашдырылмасы истигамәтиндә атыла биләҹәк реал аддымлар, Сурија торпагларында Түркијәнин дәстәк вердији вә малијјәләшдирдији террор тәшкилатлары илә мүбаризә, суријалы гачгынларын гајыдышына даир сәјләрин артырылмасы мүзакирә олунуб.
Тәрәфләр Суријанын әрази бүтөвлүјүнә һөрмәт етдикләрини тәсдиг едибләр. Конструктив мәҹрада кечән ҝөрүшүн нәтиҹәсиндә Суријада вә бир бөлҝәдә сабитлијин тәмин едилмәси вә дөрдтәрәфли форматдакы топлантыларын давам етдирилмәсинин әһәмијјәти вурғуланыб.
Мүдафиә назирликләринин рәһбәрләри бу форматда кечирилән диалогун конструктив характерини вә Сурија Әрәб Республикасында вә бүтөвлүкдә реҝионда вәзијјәтин даһа да сабитләшдирилмәси мараглары наминә давам етдирилмәсинин зәрурилијини хүсусилә вурғулајыблар.
Һәмчинин Русија Федерасијасынын мүдафиә назири, орду ҝенералы Серҝеј Шојгу иранлы суријалы вә түркијәли һәмкарлары илә икитәрәфли данышыглар апарыб
Ҝөрүшләр заманы икитәрәфли әмәкдашлығын актуал мәсәләләри, о ҹүмләдән глобал вә реҝионал тәһлүкәсизлијин тәмин едилмәсинин мүхтәлиф аспектләри мүзакирә олунуб.
Диггәт: Хәбәрдән Истифадә Етдикдә Мәнбәјә Истинад Лазымдыр!
