Мүдафиә Назирлијинин бәјанатында дејилир: “Лачын јолунун шималындакы торпаг јолларындан гејри-гануни фәалијјәтләр үчүн истифадәнин, еләҹә дә Ермәнистан тәрәфиндән силаһ-сурсат дашымагла вәзијјәтин ҝәрҝинләшмәсинин вә потенсиал тәхрибатларын төрәдилмәсинин гаршысынын алынмасы мәгсәдилә Азәрбајҹан Ордусунун бөлмәләри тәрәфиндән локал зәрури нәзарәт тәдбирләри һәјата кечирилиб”
МН-нин бу ҝүн үчүн өнҹәки бәјанатында исә Фүзулинин Јухары Вејсәлли јашајыш мәнтәгәси истигамәтиндә гејри-гануни ермәни силаһлыларынын кәнд тәсәррүфаты ишләри ады алтында сәнҝәр газынтылары апардығы билдирилмишди вә вә гејд олунмушду ки, Азәрбајҹан ордусу сәнҝәр газынтысы ҹәһдинин гаршысыны алыб.
Рәсми Јереван һадисә илә бағлы һәр һансы бир ачыглама јајмајыб.Мартын 24-дә Азәрбајҹан Мүдафиә Назирлији Русија сүлһмәрамлы континҝентинә мәхсус 1 әдәд ЗТР-82А дөјүш машыны, ермәниләрә мәхсус 3 әдәд тентли КамАЗ вә үзәриндә јанаҹаг чәни олан 1 әдәд КамАЗ автомобилинин һәрәкәтинин техники мүшаһидә васитәләри тәрәфиндән гејдә алындығы барәдә мәлумат јајмышды.Билдирилирди ки, Ханкәнди-Хәлфәли-Туршсу торпаг јолу илә ганунсуз һәрби дашымалары иҹра едән колонун һәрәкәти мүәјјән едилиб.342/Гарабағдакы ермәни мәнбәләринин мәлуматына ҝөрә исә, бу ҝүн Азәрбајҹан Силаһлы Гүввәләри Хәлфәли-Туршсу јашајыш мәнтәгәләри арасындакы торпаг јолунда мүшаһидә мәнтәгәси гуруб. Белә ки, Азәрбајҹан Силаһлы Гүввәләри ики ермәни мөвгеси арасындакы бу јолда һәрәкәти нәзарәтә ҝөтүрүб
342/
