Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Русија вә
Түркијә президентләри Владимир Путин вә Рәҹәб Тајјип Әрдоған арасында телефон данышығы
олуб.
Кремлин мәтбуат хидмәтинин вердији мәлумата ҝөрә, телефон данышығы заманы мүхтәлиф саһәләрдә Русија-Түркијә тәрәфдашлығынын актуал мөвзулары мүзакирә едилиб.
Тиҹарәт-игтисади әлагәләрин мүсбәт динамикасындан, енержи секторунда, о ҹүмләдән газ тәҹһизатында вә Түркијәдә Аккују АЕС-ин тикинтиси илә бағлы бирҝә стратежи лајиһәләрин уғурла һәјата кечирилмәсиндән мәмнунлуг ифадә олунуб.
Түркијә Президенти зәлзәләнин нәтиҹәләринин арадан галдырылмасында ҝөстәрилән көмәјә, о ҹүмләдән бу јахынларда Русијанын сәһра хәстәханасынын Һатај вилајәтинә јерләшдирилмәсинә ҝөрә бир даһа сәмими тәшәккүрүнү билдириб. Һәмчинин дағылмыш инфраструктурун вә јашајыш биналарынын бәрпасы үчүн Русијадан тикинти материалларынын тәдарүкүнүн тәшкили имканларынын ишләниб һазырланмасы разылашдырылыб.
Түркијә лидери Русијанын Гара дәниз лиманларындан Украјна тахылынын ихраҹы вә Русијанын әрзаг вә ҝүбрәләринин ихраҹы илә бағлы Истанбул сазишинин мүддәтини 60 ҝүн узадылмасына даир разылашмасыны мүсбәт гијмәтләндириб. Ејни заманда, Русија тәрәфинин ады чәкилән “пакет” сазишләринин икинҹи һиссәсинин – Русијадан кәнд тәсәррүфаты мәһсулларына манеәләрин арадан галдырылмасынын там шәкилдә һәјата кечирилмәсинә наил олмаг үчүн принсипиал нијјәти барәдә анлајыш ифадә олунуб.
Путин вә Әрдоған Сурија проблеминә тохунублар. Түркијә-Сурија мүнасибәтләринин нормаллашдырылмасы просесинин давам етдирилмәсинин ваҹиблији вурғуланыб. Түркијә президенти бунунла бағлы Русијанын конструктив васитәчилик ролуну хүсуси гејд едиб.
Русија президенти Рәҹәб Тајјиб Әрдоғаны вә түркијә халгыны мүсәлманларын мүгәддәс Рамазан ајы мүнасибәтилә тәбрик едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
