"Авропа Иттифагы сијаси партијалар һаггында јени ганунла тәтбиг едилмиш мәһдудијјәтләрдән нараһатдыр. Бу, Азәрбајҹанда сијаси плүрализмә вә бирләшмәк, фикри ифадә етмәк вә динҹ топлашмаг азадлығы кими әсас һүгуг вә азадлыглара чәкиндириҹи тәсир ҝөстәрә биләр", дејә АИ-нин Хариҹи Сијасәт Хидмәтинин сајтында јер алан бәјанатда билдирилир. Бу һүгуглар "демократик ҹәмијјәтин фәалијјәти үчүн әсасдыр". АИ исрарла Азәрбајҹаны Авропа Шурасы Венесија Комиссијасынын әввәлки сијаси партијалар һаггында ганунла бағлы көһнә төвсијәләрини, һабелә Венесија Комиссијасынын вә АТӘТ ДТИҺБ-нин јени ганунла бағлы 13 март тарихли рәјиндә јер алан төвсијәләри јеринә јетирмәјә чағырыр. "Сијаси партијалар сијаси өзүнүифадәнин әсас коллектив аләти олараг вәтәндашларын сијаси ирадәсини ифадә етмәсинә шәраит јарадыр. Динамик, һесабатлы вә инклүзив чохпартијалы системләрә зәманәт верилмәлидир", дејә бәјанатын сонунда билдирилир. Гејд едәк ки, Авропа өлкәләри вә гурумлары демократија вә инсан һаглары мөвзусунда нәзәрә ҹазибәдар ҝөрүнән сөзләр вә ифадәләрин архасында садәҹә диҝәр өлкәләрә мүдахилә имканларыны дүшүнүр вә бу мөвзулардан башга дөвләтләрә гаршы тәзјиг амили кими истифадә едәрәк онлардан имтијаз алмаға чалышырлар. Онлар әмәлдә ән тоталитар режимләрлә иттифаг јарадыр вә иддиа етдикләри дәјәрләрә мәнафеләри тәмин олундугда ҝөз јумурлар. Һәмчинин башга өлкәләри мүхалифәтә дөзүмлү олмаға чағырсалар да өз дахилләриндә халгын мүхалиф сәсини сусдурмаг үчүн ән гәддар методлар тәтбиг едирләр.
342/
