Авропа рәсмиләри сон бир нечә онилликләрлә мүгајисәдә гитәдә тәһлүкәсизлик вәзијјәтинин писләшмәси илә бағлы хәбәрдарлыг едибләр.
Рөјтерс хәбәр аҝентлији өз һесабатында Русија илә Гәрб арасында гаршыдурманын кәскинләшмәси еһтималындан хәбәр вериб вә әлавә едиб: "Авропада тәһлүкәсизлик вәзијјәти ән азы 1980-ҹи илләрин әввәлиндән бәри ән тәһлүкәли һәддә чатыб".
Исвеч Һәрби Кәшфијјат Хидмәти билдириб ки, 2022-ҹи ил февралин 24-дә Русијанын Украјнада һәрби әмәлијјаты башлајандан бәри Авропанын тәһлүкәсизлији ән пис вәзијјәтдәдир.
Исвеч Һәрби Кәшфијјат Хидмәтинин рәһбәри Лена Һаллин Стокһолмун узун мүддәт садиг галдығы һәрби нејтраллыг сијасәтиндән әл чәкмәсиндән вә НАТО-ја үзв олмаг үчүн мүраҹиәтиндән сонра Исвечин тәһлүкәсизлијинә гаршы рискләрин артдығыны иддиа едиб..
Бу елә бир һалдадыр ки, Түркијә бу өлкәнин НАТО-ја үзв олмасына мане олур, чүнки Анкара Стокһолму күрд фәаллары дәстәкләмәкдә иттиһам едир.
Һаллин даһа сонра Русијадан ҝәлән тәһдидләрин артмасы илә бағлы хәбәрдарлыг едиб вә иддиа едиб ки, Москва да Пекин кими Исвечин сијаси вә игтисади гәрарларына тәсир етмәк үчүн комплекс һүҹумлар һәјата кечирмәк габилијјәтинә маликдир.
342/
