Әмир-Сәид Ирәвани әлавә едиб: Ганун һакимијјәти бејнәлхалг сүлһ вә тәһлүкәсизлијин горунмасы үчүн зәруридир, зира бејнәлхалг һүгуги низамда әдаләт, сабитлик вә прогнозлашдырманы јүксәлдир.
Иранын БМТ-дәки сәфири сөјләјиб: Америка хүсусијјәт тәшкил етмәклә бәзи үзв өлкәләр давамлы сурәтдә БМТ-нин ҝүҹү вә ихтијарларындан мүстәгил дөвләтләрә гаршы тәзјиг васитәси кими истифадә едирләр.
О, сонра дејиб: БМТ Тәһлүкәсизлик Шурасы Исраил режиминин ишғал олунмуш Фәләстин әразиләриндәки ҹинајәтләринә, о сырадан бејнәлхалг ганунлары вә БМТ гәтнамәләрини ардыҹыл шәкилдә позмасына бахмаг үчүн лазыми вә тәсирли тәдбирләр ҝөрмәјибдир.
Ирәвани әлавә едиб: Бундан башга, Тәһлүкәсизлик Шурасы сионист режимин ишғалчылығы, тәҹавүзкар һәрәкәтләри, Сурија Әрәб Республикасынын әрази бүтөвлүјү вә суверенлијини позмасына бахылмасы мәсәләсиндә дә уғурсуз галыбдыр.
Иранын БМТ-дәки даими нүмајәндәси сөјләјиб: Бејнәлхалг Ҹинајәт Мәһкәмәси хариҹи гүввәләрин Әфганыстанда ијирми ил иштирак заманы төрәтдикләри ҹинајәтләрә ҝөз јумуб, бу барәдә тәһгигат апармајыб. Белә бир һалда, Тәһлүкәсизлик Шурасы НАТО вә Америка һәрби гүввәләринин Әфганыстандан мәсулијјәтсиз вә тәләсик шәкилдә чыхмаларынын нәтиҹәләринә бахмајыбдыр.
Иранын БМТ-дәки даими нүмајәндәси әлавә едиб: Инҝилтәрә нүмајәндәсинин Иранын динҹмәгсәдли нүвә програмлары барәдәки иддиасыны рәдд едирик.
Ирәвани һәмчинин әмирликләрин Фарс Көрфәзиндә јерләшән үчлү Иран адалары барәдәки әсассыз иддиасы илә бағлы вурғулајыб: Гәтијјәтлә рәдд едилән белә бир иддиа, диҝәр өлкәләрин дахили ишләринә гарышмама вә динҹ јанашы јашама принсипи дә дахил олмагла бејнәлхалг һүгуг нормалары илә дабан-дабана зиддир.
342/
